សម្ដីគ្រូទាំងពីរមុន ប៉ះគ្នាល្ងាចនេះ
- 2017-06-21 01:30:00
- ចំនួនមតិ 0 | ចំនួនចែករំលែក 0
សម្ដីគ្រូទាំងពីរមុន ប៉ះគ្នាល្ងាចនេះ
ចន្លោះមិនឃើញ
លោក Phan The Hieu គ្រូបង្វឹកយុវជនក្រោមអាយុ ១៧ឆ្នាំវៀតណាម និងលោក Inoue Kazunori គ្រូបង្វឹកយុវជនក្រោមអាយុ ១៧ឆ្នាំកម្ពុជា លើកឡើងដូចគ្នាថា ក្រុមទាំងពីរនឹងប្រើកីឡាករ ១១នាក់ដំបូងល្អបំផុតដូចគ្នា សម្រាប់ការប្រកួតមិត្តភាពទំនាក់ទំនងការទូតគម្រប់ខួប ៥០ឆ្នាំកម្ពុជាវៀតណាមវេលាម៉ោង ៦:៣០នាទីល្ងាចនេះនៅពហុកីឡដ្ឋានជាតិ ដែលមានការផ្សាយផ្ទាល់តាមរយៈទូរទស្សន៍ BTV ។
លោក Phan The Hieu បានលើកឡើងថា លទ្ធផលចាញ់ឬឈ្នះមិនសូវសំខាន់ឡើយ លោករំពឹងថា កីឡាករទាំងអស់ នឹងលេងដោយ Fair Play ព្រមទាំងអាចធ្វើឲ្យការប្រកួតជក់ចិត្ត។ លោកនឹងដាក់កីឡាករ ១១នាក់ដំបូងល្អបំផុតតទល់ជាមួយកម្ពុជា ដើម្បីធ្វើឲ្យការប្រកួតមានភាពជក់ចិត្ត។
លោក Inoue Kazunori វិញបានលើកឡើងថា លោក នឹងប្រើកីឡាករ ១១នាក់ដំបូងល្អបំផុតដូចគ្នា ហើយថែមទាំងរំពឹងអាចយកឈ្នះទៅលើយុវជនវៀតណាមបាន។ ទោះបីការប្រកួតនេះគ្រាន់តែជាជំនួបមិត្តភាព សម្រាប់លោកផ្ទាល់យល់ថាគឺជាការប្រកួតមួយដ៏សំខាន់។
ជំនួបមិត្តភាពល្ងាចនេះមានលក់សំបុត្រចំនួនពីរប្រភេទគឺតម្លៃ ១ ម៉ឺនរៀលកន្លែងមានដំបូល និងតម្លៃ ៥ពាន់រៀលកន្លែងគ្មានដំបូល៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
