ទម្លាប់យ៉ាប់ៗនេះហើយ ធ្វើឲ្យម៉ាស៊ីនបោកខោអាវដុនដាបឆាប់ទៅស្រុក

2017-06-27 02:15:09
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនប្រាកដថាមានម៉ាស៊ីនបោកខោអាវ សុទ្ធតែជួយសម្រួលដល់ការបោកគក់បានស្រួលដោយមិនជួបបញ្ហានោះទេ។ ជួនកាល មិនបានចាប់អារម្មណ៍រឿងប្រើហើយចេះថែ ក៏ប្រើទាល់តែខូច ទើបយកទៅធ្វើ។ ខាងក្រោមនេះជាទម្លាប់អាក្រក់មួយចំនួន ដែលអ្នកតែងធ្វើអំឡុងពេល ប្រើម៉ាស៊ីនបោកខោអាវ។

១. មិនបានកំណត់ដំណើរការឲ្យបានត្រឹមត្រូវ

ឧទាហរណ៍ថាខោអាវអ្នកច្រើន ហើយអ្នកអត់ចេះកំណត់ពេលវេលាបោកត្រឹមត្រូវ ម៉ាស៊ីនក៏អាចមានបញ្ហា។ បើប្រើម៉ាស៊ីនមានមុខងារ Smart Checkដូចម៉ូដែលWA16J6750SP/ST របស់ Samsung ដែលជាកម្មវិធីអាចដំឡើងក្នុងទូរសព្ទដៃ អ្នកអាចពិនិត្យមើលបញ្ហាដែលកើតឡើងរបស់ម៉ាស៊ីនបោកខោអាវ ហើយវាប្រាប់ពីដំណោះស្រាយភ្លាមៗ ដូច្នេះអ្នកមិនចាំបាច់ចំណាយពេលទាក់ទងទៅភ្នាក់ងារជួសជុលទៀតឡើយ។

២. កុំដាក់ខោអាវបោកម្ដងច្រើនពេក

អ្នកអាចគិតថា ដាក់បោកខោអាវច្រើនជួយសន្សំសំចៃភ្លើង តែយល់ច្រឡំធំហើយ។ កាលណា ខោអាវផ្ទុកពេញក្នុងម៉ាស៊ីនច្រើន ធ្វើឲ្យសាប៊ូមិនអាចជ្រាបអស់សព្វជាមួយនឹងវាបានទាំងស្រុង នឹងធ្វើឲ្យខោអាវលែងសូវស្អាត ហើយធុំក្លិនមិនល្អ។ អ្វីដែលពិសេសនោះ ម៉ាស៊ីននឹងចាប់ផ្ដើមដុនដាបដោយសារការប្រើហួសកំណត់។

៣. លាងសម្អាតមិនបានត្រឹមត្រូវ

ម៉ាស៊ីនបោកខោអាវឥឡូវទំនើបណាស់ ដោយសារមានប្រព័ន្ធលាងដោយខ្លួនឯងស្វ័យប្រវត្តិ ដូច្នេះអ្នកប្រើប្រាស់លែងសូវពិបាកដូចមុនហើយ តែអ្នកខ្លះ អត់ដឹង បែរជាដុសលាងដោយខ្លួនឯង ដោយចាក់ទឹកចូលជាមួយសាប៊ូ យកច្រាសដុសលាងតែម្ដង។

៤. ទុកចោលហាលថ្ងៃ ឬត្រូវទឹកញឹកញាប់

ទីតាំងក៏សំខាន់ដែរ គួររក្សាម៉ាស៊ីនដាក់នៅក្នុងផ្ទះ ព្រោះបើដាក់នៅក្រៅហាលក្ដៅ ម៉ាស៊ីនងាយនឹងផុយពុកស្រួយជាទីបំផុត ប្រេះ ឬបែកកញ្ចក់ជាដើម។ និយាយរឿងកញ្ចក់វិញ កញ្ចក់ម៉ូដែលថ្មី WA16J6750SP/ST របស់ Samsung ធន់នឹងទម្ងន់ធ្ងន់ ទោះបីជាអ្នកដាក់កន្ត្រកខោអាវពីលើក៏ដោយ។ គម្របមានលក្ខណៈពិសេសដោយអាចទប់លំនឹង ទោះបីជាអ្នកជ្រុលប្រើកម្លាំងខ្លាំងក៏ដោយ។

៥. កម្រិតទឹកទាបឡើងអត់ដល់

ធ្លាប់ជួបអត់? ពេលកម្រិតទឹកទាប? ឧទាហរណ៍ថាអ្នករស់នៅជាន់ទី៣ នៃផ្ទះល្វែងមួយ ជារៀងរាល់យប់ អ្នកបោកខោអាវម៉ោង ៧ ជួនកាលទឹកឡើងអត់ដល់ ម៉ាស៊ីនក៏មិនអាចយោងទឹកបានដែរ។ ចឹងពេលអ្នកនៅតែបន្តធ្វើសកម្មភាពនេះដដែលៗ វានឹងធ្វើឲ្យម៉ាស៊ីនកាន់តែដុនដាបខ្លាំង។

៦. ប្រព័ន្ធភ្លើងមិនគ្រប់

តំបន់ខ្លះ ភ្លើងមិនគ្រប់ ឡើងចុះៗ ករណីប្រើម៉ាស៊ីនបោកគក់សុខៗ ភ្លើងងាកដាច់ៗ ជាហេតុធ្វើឲ្យម៉ាស៊ីនដំណើរការមិនល្អ និងឆាប់ខូចបានដែរ តែកុំព្រួយម៉ូដែល WA16J6750SP/ST របស់ Samsung ល្អបំផុតអាចជួយអ្នកបាន បើទោះជាភ្លើងដំណើរការមិនល្អឡើងចុះៗ ឬទុសេក៏ដោយ៕

អត្ថបទ៖ ថា ម៉ាលីដា