ព្យុះកំបុតត្បូង Irma ឆក់យកជីវិត១៤នាក់នៅការ៉ាបៀន រួចបន្តដំណើរទៅកាន់ ៣ប្រទេសទៀត

2017-09-08 02:41:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្យុះកំបុតត្បូង Irma បានវាយប្រហារកោះ Turks and Caisos នៅតំបន់ការ៉ាបៀន ជាដែនដីរបស់អង់គ្លេស និងបន្តដំណើរជាមួយកម្លាំងខ្លាំងទៅកាន់ប្រទេស ៤ផ្សេងទៀត។

នៅតំបន់ទំនាបរបស់កោះ Turks and Caicos ត្រូវគេជឿថាបានប្រឈមនឹងគ្រោះខ្យល់ព្យុះដ៏អាក្រក់ដែលធ្វើឲ្យកម្ពស់ទឹករលកកើន ៦ម៉ែត្រ ខ្ពស់ជាងធម្មតា។ Irma គឺជាព្យុះកំបុតត្បូងប្រភេទ ៥ និងជាកម្រិតខ្ពស់បំផុត ជាមួយល្បឿនធ្វើដំណើរ ២៩០គីឡូម៉ែត្រក្នុងមួយម៉ោង។

យ៉ាងហោចណាស់មនុស្ស ១៤នាក់ បានស្លាប់បាត់បង់ជីវិតរួចហើយក្នុងតំបន់នេះ ហើយចំនួនអ្នកស្លាប់អាចកើនឡើងទៀត។ មានការព្រួយបារម្ភថា ជំងឺអាចរាតត្បាតយ៉ាងរហ័សនៅក្នុងតំបន់ ហើយសេវាទឹកស្អា និងអនាម័យអាចត្រូវបានកាត់ផ្ដាច់។

Irma បានឆ្លងកាត់កោះ Turks and Caicos ប្រទេសព័រតូរីកូ និងសាធារណរដ្ឋដូមីនីកា ហើយឥឡូវកំពុងឆ្ពោះទៅកាន់ប្រទេសហៃទី។ បន្ទាប់មកគេព្យាករណ៍ថា នឹងទៅដល់ប្រទេសគុយបា មុនពេលទៅដល់រដ្ឋផ្លរីដា សហរដ្ឋអាមេរិក។ តាមប្រភពកាកបាទក្រហមអះអាងថា មនុស្សប្រមាណ ១,២លានបានប៉ះពាល់ដោយកម្លាំងព្យុះ Irma និងអាចកើនឡើងភ្លាមៗដល់ ២៦លាននាក់៕