មិនធម្មតា ខោខ្លីរបស់ ហ៊ីត្លែ ដាក់លក់ដេញថ្លៃបានខ្ពស់មិននឹកស្មាន

2017-09-25 02:03:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ខោខ្លីរបស់អតីតមេដឹកនាំផ្ដាច់ការអាល្លឺម៉ង់ អាដូហ្វ ហ៊ីត្លែ ត្រូវបានគេដាក់លក់ដេញថ្លៃ និងមានអ្នកហ៊ានទិញក្នុងតម្លៃជាង ៦ ៧៦០ដុល្លារអាមេរិកកាលពីពេលថ្មីៗនេះ។

លោក Bill Panagopoulos ជាម្ចាស់ក្រុមហ៊ុនដាក់លក់ដេញថ្លៃ Alexander Historical Auctions នៅទីក្រុង Chesapeake រដ្ឋម៉ារីលែន សហរដ្ឋអាមេរិក បញ្ជាក់ថា អ្នកទិញនោះជាបុរសរស់នៅសហរដ្ឋអាមេរិក តែលោកសុំមិនបញ្ចេញអត្តសញ្ញាណ។

លោកបន្តថា មនុស្សជាច្រើនចង់ទិញរបស់របរដែល ហ៊ីត្លែ បានប្រើប្រាស់កាលនៅរស់សូម្បីតែខោក្នុងមួយនេះ។ បុរសវ័យ ៥៨ឆ្នាំដដែលប្រាប់ថា ចង្កេះខោក្នុងរបស់ហ៊ីត្លែ ទំហំ ៣៩អ៊ីញ និងមានប៉ាក់អក្សរ A.H ដែលជាឈ្មោះកាត់របស់ហ៊ីត្លែ (Adolf Hitler)។

តាមប្រភពខាងលើអះអាងថា ខោខ្លីនេះត្រូវបានទុកចោលនៅសណ្ឋាគារប្រណីតមួយឈ្មោះ Parkhotel Graz ក្នុងប្រទេសអូទ្រីស បន្ទាប់ពីមេដឹកនាំរូបនេះសម្រាកលំហែនៅខែមេសា ឆ្នាំ ១៩៣៨។ អ្នកដាក់ដេញថ្លៃ គឺជាចៅប្រុសរបស់ម្ចាស់សណ្ឋាគារកាលសម័យនោះ។

ខោនេះត្រូវបានរក្សាទុកក្នុងគ្រួសារម្ចាស់សណ្ឋាគារ ដោយខ្ចប់ក្នុងប្រអប់ក្រដាសយ៉ាងល្អ ពេលនេះវាមានអាយុកាលជិត ៨០ឆ្នាំហើយ៕