ផាន់ គ្រាន់៖ ក្រៅពីប្រដាល់ខ្ញុំជំនាញខ្វៃទា មាន់ និងធ្វើជ្រូក

2017-09-27 08:03:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់ខ្សែក្រវាត់គូបូតា ផាន់ គ្រាន់ ថានៅពេលខាងមុខប្រហែលជាបើកលក់សាច់កាប់ ឬទាអាំង ព្រោះចំជំនាញដោយរូបគេធ្លាប់ធ្វើពីមុនមក តែឥលូវសុំពេលឡើងប្រកួតសន្សំលុយដើមទុនសិន។

កីឡាករ ផាន់ គ្រាន់

កីឡាករ ផាន់ គ្រាន់ បានឲ្យដឹងថា របរដែលរូបគេសម្លឹងឃើញបណ្ដើរៗនេះ គឺលក់សាច់កាប់ ឬទាអាំង ព្រោះរបរមួយនេះគឺធ្លាប់ធ្វើពីមុនមក អាចថាមានជំនាញខាងនេះស្រាប់ ក៏ប៉ុន្តែមិនទាន់ចាប់ផ្ដើមក្នុងពេលឥលូវនេះទេ។

កីឡាករ ផាន់ គ្រាន់ ក្រហម

អ្នកប្រដាល់មកពីខេត្តព្រៃវែងរូបនេះបន្ថែមទៀតថា បើចង់បើករបរនេះត្រូវការដើមទុកច្រើនគួរសមដែរ ដូច្នេះគេត្រូវឡើងប្រកួតមួយរយៈពេលធំសិនដើម្បីសន្សំប្រាក់ និងទុកប្រើប្រាស់នៅពេលខាងមុខផងដែរ ព្រោះទាន់នៅខ្លួនមួយចង់សន្សំឲ្យបានច្រើនសិន។

កីឡាករ ផាន់ គ្រាន់ ពេលឈ្នះខ្សែក្រវាត់

ផាន់ គ្រាន់ ជាអ្នកប្រដាល់មកពីក្លឹបពុទ្ធសេរីវង្សពោធិសែនជ័យ ហើយគេទើបឈ្នះខ្សែក្រវាត់១គ្រឿងនៅសង្វៀន BTV ប៉ុន្តែការប្រកួតចុងក្រោយរបស់កីឡាកររូបនេះបានត្រឹមជើងឯករងកម្មវិធីប្រកួតម៉ារ៉ាតុងរបស់ CNC នោះទេក្រោយចាញ់កីឡាករថៃនៅទឹកទី២ កាលពីថ្ងៃសៅរ៍សប្ដាហ៍មុន៕

អត្ថបទ៖ នួន ស៊ីណា