មានដឹងទេ? ថ្ងៃនេះ Brown បើកសាខាថ្មីនៅទួលទំពូងហើយណា

2017-09-29 02:30:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Brown ដែលបានបើកដំបូងកាលពីឆ្នាំ ២០០៩នោះ ថ្ងៃនេះបានបើកសម្ពោធសាខាថ្មីសន្លាងរបស់ខ្លួនមួយទៀតហើយ នៅទួលទំពូង ដែលមានការតុបតែងហាងកាហ្វេថ្មីនេះ ដោយយកលំនាំតាមការរចនាដ៏ប៉ិនប្រសព្វ និងនិមិត្តរូបរបស់លោក វណ្ណ ម៉ូលីវណ្ណ និងរចនាបទ “ខ្មែរសម័យថ្មី”។

លោក លីវ ឈួង នាយកគ្រប់គ្រងក្រុមហ៊ុនកាហ្វេប្រោនបានឲ្យដឹងថាគោលបំណងរបស់ហាងនេះ គឺចង់បង្កើតទីតាំងមួយដែលឆ្លុះបញ្ចាំងឲ្យឃើញពីបេសកកម្មរបស់លោក ក្នុងការបង្កើតបទពិសោធន៍កាហ្វេពិសេសមួយ នៅក្នុងបរិយាកាស ដែលអតិថិជនទាំងក្មេង ទាំងចាស់ ទាំងប្រជាជនក្នុងស្រុក និងជនបរទេស អាចមកធ្វើការ និងជជែកប្រាស្រ័យទាក់ទងគ្នាបាន។ ជាពិសេស លោកជឿថា កាហ្វេគឺជាការនាំមនុស្សឲ្យមកស្គាល់គ្នា។

ទន្ទឹមនឹងនោះស្ថាបត្យករ ឡាក់ ស៊ុនហេង មកពីក្រុមហ៊ុន HKA បានឲ្យដឹងថាការរចនាអគារនេះ បានប្រើប្រាស់នូវទម្រង់មួយដែលធ្វើឲ្យនឹកឃើញដល់ រូបរាង អក្សរ “V” ដែលជានិមិត្តសញ្ញារបស់លោក វណ្ណ ម៉ូលីវណ្ណ ។ ការប្រើប្រាស់រុក្ខជាតិបៃតង និងវិធីសាស្ត្របុរាណអនុញ្ញាតឲ្យខ្យល់ និងពន្លឺចូលមកក្នុងបាន ហើយការគោរពដល់សិទ្ធិឯកជនរបស់អតិថិជននៅខាងក្នុង គឺធានាថាអគារនេះមានភាពត្រជាក់ មានពន្លឺ និងមានថាមពល។

ការបើកសម្ពោធហាងកាហ្វេថ្មីនៅទួលទំពួង ដែលជាទូទៅត្រូវបានគេហៅឈ្មោះថា “ផ្សាររុស្ស៊ី” នោះ គឺជាសាខាដែលស្ថិតនៅភាគខាងត្បូងបំផុត របស់កាហ្វេ ប្រោន នៅក្នុងរាជធានីភ្នំពេញ។ ជាផ្នែកមួយនៃការបន្តគាំទ្រដល់អ្នករចនាម៉ូត និងវិចិត្រករកម្ពុជា សាខាថ្មីនេះ គឺមានបំពាក់ស្នាដៃសិល្បៈដោយលោក ថាំង សុធា។ រូបចម្លាក់ដែកថែប លាយដែក និងដើមធ្មៃ គឺយកលំនាំតាមមែកដើមកាហ្វេ ។

នេះជាស្នាដៃសិល្បៈទីពីររបស់លោក សម្រាប់ហាងកាហ្វេប្រោន ដោយស្នាដៃដំបូងត្រូវបានធ្វើឡើងនៅសាខាកាហ្វេប្រោនទួលគោក ។ នៅសាខាផ្សេងទៀត ស្នាដៃសិល្បៈរបស់វិចិត្រករដ៏ល្បី គឺលោក ពេជ្រ សុភាព ត្រូវបានបង្ហាញនៅឯសាខាកាហ្វេប្រោន រ៉េនទ្រី តាមបណ្ដោយវិថីព្រះអង្គឌួង៕