អ្នកវាយកូនបាល់លេខមួយចក្រភពអង់គ្លេស Murray ចែកផ្លូវគ្នាជាមួយគ្រូបង្វឹក

2017-11-18 03:33:57
ចំនួនមតិ 0 | ចំនួនចែករំលែក 0

ចន្លោះមិនឃើញ

Andy Murry ទីបំផុតបានព្រមព្រៀងចែកផ្លូវគ្នាជាមួយគ្រូបង្វឹកបច្ចុប្បន្នលោក Ivan Lendl។ នេះជាលើកទីពីរហើយដែលអ្នកវាយកូនបាល់មកពីចក្រភពអង់គ្លេស សញ្ជាតិស្កុតឡែនបែកបាក់ជាមួយគ្រូបង្វឹករបស់ខ្លួន។

Murry និងគ្រូបង្វឹក

លើកទីមួយកីឡាករវ៍យ៣០ឆ្នាំធ្លាប់ឈ្នះ Wimbledon, US Open និងមេដាយមាសអូឡាំពិកក្រោមការបង្វឹករបស់លោក Lendl ពីឆ្នាំ២០១២ ដល់២០១៤ រួចក៏យកលោក Amelie Mauresmo បង្វឹកវិញ។ ឆ្នាំ២០១៦ Lendl បានក្លាយជាគ្រូបង្វឹកលើកទីពីររបស់ Murry ជួយរូបគេឈ្នះ Wimbledon លើកទីពីរ, មេដាយមាសអូឡាំពិកលើកទីពីរ និងក្លាយជាអ្នកវាយកូនបាល់លេខមួយពិភពលោកក្នុងឆ្នាំនោះ។

អ្នកវាយកូនបាល់កាលចំណាត់ថ្នាក់លេខ១៦ របស់ ATP rankings បាននិយាយថា៖ “ពួកយើងធ្លាប់មានពេលវេលាជោគជ័យ និងរៀនក្នុងនាមជាក្រុម។ ពេលនេះខ្ញុំផ្ដោតអារម្មណ៍លើការប្រកួតបន្ទាប់។ ដោយឡែក Lendl ដែលធ្លាប់ជាម្ចាស់ពាន Grand Slam ៨សម័យកាលបានជូនពរ Murry ជោគជ័យសម្រាប់ការលេងដោយគ្មានរូបលោក៕