Lexus LX 570 កៅអី ២ ជួរ តម្លៃថោកជាងធម្មតា ៥ ០០០ ដុល្លារ
- 2017-12-01 02:42:56
- ចំនួនមតិ 0 | ចំនួនចែករំលែក 0
Lexus LX 570 កៅអី ២ ជួរ តម្លៃថោកជាងធម្មតា ៥ ០០០ ដុល្លារ
ចន្លោះមិនឃើញ
ក្នុងព្រឹត្តិការណ៍តាំងបង្ហាញរថយន្ត LA Auto Show នាទីក្រុង Los Angeles សហរដ្ឋអាមេរិក ក្រុមហ៊ុន Lexus បានបង្ហាញចេញរថយន្ត Lexus LX 570 ស៊េរីឆ្នាំ ២០១៨ ដែលមានកៅអីអង្គុយតែ ២ ជួរប៉ុណ្ណោះ។
LX 570 កៅអីពីរជួរនេះ មានកន្លែងដាក់ឥវ៉ាន់ទំហំកាន់តែធំជាងមុន ដោយមានទំហំ ១ ៤៣០ លីត្រឯណោះ ធៀបនឹងប្រភេទកៅអីបីជួរមានទំហំតែ ១ ២៦៥ លីត្រប៉ុណ្ណោះ។ ចំណុចខុសគ្នារវាង Lexus LX 570 ទាំងពីរប្រភេទគឺមានតិចតួចបំផុត ប៉ុន្តែប្រភេទកៅអីពីរជួរមានតម្លៃចាប់ពី ៨៤ ៩៨០ ដុល្លារ (តម្លៃនៅសហរដ្ឋអាមេរិក) ថោកជាងកៅអីបីជួរ ៥ ០០០ ដុល្លារ។
ត្បិតថាតម្លៃធូរថ្លៃជាង ប៉ុន្តែ LX 570 ប្រភេទនេះមានបំពាក់ដោយកៅអីស្បែកគុណភាពខ្ពស់, ប្រព័ន្ធគ្រប់គ្រងសីតុណ្ហភាពដ៏ទំនើប និងមានដំបូលដែលអាចបើកដោយស្វ័យប្រវត្តិផងដែរ។ ចំណុចពិសេសដទៃទៀតមានដូចជាទ្វារគូថក្រោយបើក/បិទ ដោយស្វ័យប្រវត្តិ និងមានកង់ទំហំ ២០ អ៊ីញ។
ម៉ាស៊ីនមានចំណុះ ៥,៧ លីត្រ ស៊ីឡាំង V8 អាចផលិតកម្លាំងបាន ៣៨៣ សេះ និងប្រើប្រអប់លេខស្វ័យប្រវត្តិ ៨ វគ្គ ដែលផ្ដល់កម្លាំងដល់ប្រព័ន្ធបើកបរកង់ទាំងបួន (ប្រព័ន្ធប៉ុងពីរ) នៃរថយន្ត។ មានទម្ងន់ ២ ៦៣០ គ.ក ប៉ុន្តែអាចបង្កើនសន្ទុះពី ០ – ១០០ គ.ម/ម៉ ក្នុងពេល ៧,៣ វិនាទី ដែលមានល្បឿនអតិបរមា ២២០ គ.ម/ម៉៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
