Acer Predator 21 X ជាប់ឈ្មោះជាកំពូល Laptop ថ្លៃបំផុតលើពិភពលោក

2017-12-17 00:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ត្បិតថា Apple, OnePlus និង Google បានប្រកាសចេញផលិតផលរបស់ខ្លួនជាច្រើននៅឥណ្ឌា តែ Acer ដែលជាក្រុមហ៊ុនផលិតកុំព្យូទ័រដ៏ល្បីក៏មិនព្រងើយដែរ បានប្រកាសចេញAcer Predator 21 X យ៉ាងភ្ញាក់ផ្អើល។

Acer Predator 21 X ត្រូវបានគេហទំព័រល្បីៗខាងវាយតម្លៃគុណភាពកុំព្យូទ័របានចាត់ថ្នាក់ថាជា ប្រភេទ Gaming Laptop ដែលមានកម្លាំងខ្លាំងនិងថ្លៃបំផុតលើពិភពលោកនាពេលបច្ចុប្បន្ន។

លក្ខណៈសម្បត្តិ Acer Predator 21 X មានទំងន់ ៩ គ.ក មានទំហំសរុប ២២.៤ អ៊ីញ។ ជា Laptop ដំបូងក្នុងលោកដែលមានបំពាក់អេក្រង់កោង ២១ អ៊ីញជាមួយកម្រិតបង្ហាញរូបភាពដល់ (2560x1080p) ១២០Hz refresh rate(21:9 aspect ratio) មានភ្លើង LED ក្រោយ។

ប្រើក្រាហ្វិកកាតភ្លោះ Nvidia Geforce GTX 1080 ជាមួយនឹងវីដេអូ RAM (VRAM 16GB)GDDR5។ រត់ដោយ CPU Intel Core i7 ជំនាន់ទី ៧ ជាមួយនឹង 64GB DDR4 ។

មានបច្ចេកវិទ្យាបញ្ចុះកម្ដៅ Cooling System ដោយដាក់កង្ហារ ៥ សម្រាប់ជំនួយពេលឡើងកំដៅខ្លាំងដោយមិនចាំបាច់ប្រើ Cooling BTW។ ភ្ជាប់ជាមួយ HDD 1TB នឹង SSD 1TB ដូចគ្នា។ មានថាមពលថ្ម ៦ ០០០ មីលីអំពែម៉ោង។ មាន Power supplies ពីរ។

មាន Speaker ៤ គ្រាប់ជាមួយនឹងរន្ធបំពងសម្លេង ២ ប្រឡោះលើក្រោមដែលអាចបញ្ចេញសំឡេងលាន់ខ្លាំងមិនធម្មតានោះទេ។ មានរន្ធដោត USB-C មួយប្រឡោះ USB 3.0 ពីរប្រឡោះ HDMI មួយប្រឡោះ រន្ធដោតសម្រាប់ Display ពីរប្រឡោះ និងរន្ធដោត SD កាតមួយប្រឡោះ។ តម្លៃលក់នៅសហរដ្ឋអាមេរិកខ្ទង់ ៩ ០០០ ដុល្លារ។

ចង់ដឹងលម្អិត ទស្សនាវីដេអូខាងក្រោម៖