Chelsea មិនស្ដាយដែលលក់ Salah, De Bruyne និង Lukaku

2017-12-20 02:24:43
ចំនួនមតិ 0 | ចំនួនចែករំលែក 0

ចន្លោះមិនឃើញ

Chelsea គ្មានអ្វីស្ដាយក្រោយទេដែលបាត់បង់ Mohamed Salah, Kevin De Bruyne និង Romelu Lukaku ធ្លាក់ទៅលើដៃគូប្រជែងនៅ Premier League។ នេះបើតាមសម្ដី John Terry។

John Terry

ការនិយាយដូច្នេះបន្ទាប់ពីសមាជិកក្រុមរហស្សនាមថាតោខៀវទាំង៣រូបខាងលើកំពុងធ្វើព្យុះធ្វើភ្លៀង និងឡើងជើងខ្លាំងនៅក្លឹបដទៃដូចជា Salah ជា Top Scorer នៅ Liverpool និងលីគអង់គ្លេស, De Bruyne កំពុងក្លាយជាអ្នកនាំលេងនៅ Manchester City និង Lukaku ជាតារាជើងស៊ុតនៅ Manchester United។

យ៉ាងណាអតីតប្រធានក្រុមវ័យ៣៧ឆ្នាំនិយាយថាវាជារឿងត្រឹមត្រូវដែលក្លឹបឲ្យពួកគេចាកចេញព្រោះពេលនោះពួកគេមិនបានប្រឹងប្រែងដូចសព្វថ្ងៃ។ "Chelsea មិនចាំបាច់ចំណាយពេលស្ដាយអតីតកាលទេ ព្រោះកាលណោះអ្នកទាំង៣មិនល្អគ្រប់គ្រាន់។ កុំភ្លេចថាពេលពួកគេមកដល់ Chelsea ជាក្រុមខ្លាំងរួចទៅហើយដូច្នេះវាពិតជាលំបាកដើម្បីប្រជែងតំណែងជម្រើសដំបូង"។

Terry ធ្លាប់លេងឲ្យ Chelsea ពីឆ្នាំ១៩៩៨ ដល់ ២០១៧ ធ្លាប់ជួយក្លឹបឈ្នះពានជាច្រើនដូចជា Premier league, Champions League, FA Cup ហើយបច្ចុប្បន្នកំពុងប្រកបអាជីពបាល់ទាត់ជាមួយ Aston Villa នៅលីគលំដាប់ទីពីរ៕