ក្រុមហ៊ុន Polaris ដែល​ទើប​តែ​នាំ​ចូល​ម៉ាក​ទូរសព្ទ​​ថ្មី InFocus និង Philip នៅ​ទីផ្សារ​កម្ពុជា​មិន​មាន​គម្រោង​​ចំណាយ​កញ្ចប់​ថវិកា​ធំ​​ លើ​ការ​ផ្សព្វផ្សាយ​​យីហោ​ផលិតផល​​ទូរសព្ទ​​របស់​ខ្លួន​ឲ្យ​គគ្រឹកគគ្រេង ក្នុង​ការ​ហក់​ចូលទីផ្សារ​ដំបូង​​ដើម្បី​ប្រកួតប្រជែង​ម៉ាក​ទូរសព្ទ​ដទៃ​ទៀត​​។

ក្រុមហ៊ុន Polaris បាន​នាំ​ទូរសព្ទ​ស៊េរី​ថ្មី​​ម៉ាក​ Philips និង InFocus ដែល​គ្រោង​បញ្ចេញ​លក់​ជា​ផ្លូវការ​លើ​ទីផ្សារ​ប្រទេស​កម្ពុជា​ក្នុង​ពេល​ឆាប់ៗ​នេះ។ ក្​ស៊េរី​ទូរសព្ទ​ Philips និង InFocus ជា​ច្រើន​ម៉ូដែលក្រុមហ៊ុននេះ​បាន​ណែនាំ​និង​ដាក់បង្ហាញ ប៉ុន្តែ​មាន​ទូរសព្ទ​ដ៏​គួរ​ឲ្យ​ចាប់​អារម្មណ៍​មួយ​ ដែល​ការ​​រចនា​រូបរាង​របស់​វា​​មិន​ចាញ់ iPhone 6 Plus របស់ Apple នោះ​ទេ ហើយ​​សមត្ថភាព​​ក៏​ខ្លាំង​មិន​ធម្មតា​ដែរ។ ទូរសព្ទ​នេះ​គឺ InFocus M810។

ដើម​ឆ្នាំ ២០១៥ នេះ ម៉ាក​យីហោ​ទូរសព្ទ​ល្បី​ឈ្មោះ​ពីរ​ទៀត​នឹង​វាយ​លុក​ទីផ្សារ​កម្ពុជា ដើម្បី​​ប្រកួតប្រជែង​ម៉ាក​ទូរសព្ទ​ដទៃ​ទៀត​។ ម៉ាក​យីហោ​ទូរសព្ទ​ថ្មី​ដែល​នឹង​​ចូល​ខ្លួន​​គឺ​ម៉ាក​ Philips និង InFocus។