Polaris ហក់ចូលទីផ្សារថ្មីថ្មោងមិនប្រើកញ្ចប់លុយធំឡង់សេផលិតផលខ្លួនឲ្យគគ្រឹកគគ្រេង

2015-01-23 16:31:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Polaris ដែលទើបតែនាំចូលម៉ាកទូរសព្ទថ្មី InFocus និង Philip នៅទីផ្សារកម្ពុជាមិនមានគម្រោងចំណាយកញ្ចប់ថវិកាធំ លើការផ្សព្វផ្សាយយីហោផលិតផលទូរសព្ទរបស់ខ្លួនឲ្យគគ្រឹកគគ្រេង ក្នុងការហក់ចូលទីផ្សារដំបូងដើម្បីប្រកួតប្រជែងម៉ាកទូរសព្ទដទៃទៀត។

លោក សេន រ៉ូសិដ្ឋ ប្រធានផ្នែកលក់និងទីផ្សាររបស់ក្រុមហ៊ុន Polaris បានឲ្យដឹងថា Philip និង InFocus ទើបតែបង្ហាញខ្លួននៅទីផ្សារកម្ពុជាដើមឆ្នាំ ២០១៥ នេះប៉ុណ្ណោះ។ ទោះបីមានវត្តមានថ្មីថ្មោង លោកថាក្រុមហ៊ុនរបស់លោកនៅមិនទាន់មានគម្រោងក្នុងការចំណាយកញ្ចប់ថវិកាជាដុំកំភួន លើការធ្វើប្រូម៉ូសិនឲ្យគគ្រឹកគគ្រេង ដើម្បីវាយលុកលើទីផ្សារប្រជែងម៉ាកទូរសព្ទដទៃទៀត។

"យើងបានផ្សព្វផ្សាយនៅតាមប្រព័ន្ធផ្សព្វផ្សាយមួយចំនួនប៉ុន្តែមិនជាធំដុំអីនោះទេ គ្រាន់តែណែនាំឲ្យអតិថិជនស្គាល់ខ្លះៗពីផលិតផលទូរសព្ទរបស់យើង"។

យ៉ាងណាលោកថា លោកនឹងសហការជាមួយហាងជាដៃគូមួយចំនួនដើម្បីណែនាំពីទូរសព្ទទាំងពីរម៉ាក ដើម្បីឲ្យពួកគេស្វែងយល់និងស្គាល់បន្តិចម្តងៗ។ ដោយឈរលើគុណសម្បត្តិ លោកជឿជាក់ថា មិនយូរមិនឆាប់ទូរសព្ទនេះនឹងទទួលបានការគាំទ្រពីអតិថិជនកម្ពុជាជាមិនខាន បន្ទាប់ពីអតិថិជនបានសាកល្បងប្រើប្រាស់និងដឹងពីគុណសម្បត្តិប្រើប្រាស់របស់ពួកវា។

បន្តអាន៖ ដើមឆ្នាំ ២០១៥ យីហោទូរសព្ទល្បីឈ្មោះពីរទៀតចូលវាយលុកទីផ្សារកម្ពុជា

បន្តអាន៖ លែងឈឺក្បាល ឈប់សង្ស័យឃើញលេខប្លែកៗខលមកទៀត

បន្តអាន៖ App ខ្មែរលើ Windows Phone មានជាង ១០០ កម្មវិធីនិងកំពុងបន្តកើនឡើង

បន្តអាន៖កំពូលកម្មវិធីទាំង៥ ឆ្នាំ២០១៥ បង្កើនល្បឿន/ចំណេញ space លើកុំព្យូទ័រ

អត្ថបទ៖ ប៊ុណ្ណារ៉ា