App ខ្មែរលើ Windows Phone មានជាង ១០០ កម្មវិធីនិងកំពុងបន្តកើនឡើង
- 2015-01-21 16:01:46
- ចំនួនមតិ 0 | ចំនួនចែករំលែក 0
App ខ្មែរលើ Windows Phone មានជាង ១០០ កម្មវិធីនិងកំពុងបន្តកើនឡើង
ចន្លោះមិនឃើញ
កម្មវិធី (App) ជាស្នាដៃបង្កើតដោយកូនខ្មែរនៅលើ Windows Phone មានជាង ១០០ កម្មវិធី ដែលកំពុងដាក់អ្នកប្រើប្រាស់ទាញប្រើប្រាស់ជារៀងរាល់ថ្ងៃ។
លោក អ៊ី សុគន្ធ ប្រធានទំនាក់ទំនងរបស់ក្រុមហ៊ុន Microsoft មានការចាប់អារម្មណ៍ជាខ្លាំង សម្រាប់វត្តមានកាន់តែច្រើនរបស់កម្មវិធី (App) ដែលបង្កើតឡើងដោយស្នាដៃកូនខ្មែរសម្រាប់ប្រើនៅលើ Windows Phone។
លោក អ៊ី សុគន្ធ បានឲ្យដឹងថា នៅលើ Windows Phone មានកម្មវិធីរាប់សែនដែលអ្នកប្រើប្រាស់ទាញប្រើប្រាស់ជារៀងរាល់ថ្ងៃ។ អ្វីលោកចាប់អារម្មណ៍មានកម្មវិធីមួយចំនួនជាស្នាដៃបង្កើតដោយកូនខ្មែរ ក៏កំពុងមានវត្តមាននៅលើ Windows Phone នេះដែរ។
“មានជាង ១០០ កម្មវិធីតាមលោកដឹងដែលជាស្នាដៃបង្កើតឡើងដោយខ្មែរយើង ដែលកំពុងដាក់ឲ្យអ្នកប្រើប្រាស់ទាញប្រើនៅលើ Windows Phone ជារៀងរាល់ថ្ងៃ។ កម្មវិធីទាំងនោះមានដូចជាកម្មវិធីអប់រំ ចំណេះដឹងទូទៅ ការកម្សាន្ត និងហ្គេមជាដើម"។
លោកថា ទោះបីចំនួននេះនៅតិចតួចនៅឡើយ តែអាចបង្ហាញពីសមត្ថភាពផ្នែកបច្ចេកវិទ្យារបស់យុវជនខ្មែរកំពុងមានការអភិវឌ្ឍ ទើបធ្វើឲ្យសមិទ្ធផលរបស់ពួកគេមានការទទួលស្គាល់ជាអន្តរជាតិ។
លោកថា Microsoft តែងតែគាំទ្រនិងជំរុញសម្រាប់ការអភិវឌ្ឍកម្មវិធីនានារបស់យុវជនខ្មែរសម្រាប់ដាក់នៅលើ Windows Phone Store ដែលនឹងជួយលើកកម្ពស់មុខមាត់ជាតិ និងក៏ដើម្បីប្រើជាប្រយោជន៍ដល់មនុស្សទូទៅ។
លោក ឈួម ពិសិដ្ឋ នាយក DirexPlay ដែលបានបង្កើតហ្គេមសុកនិងសៅដាក់នៅលើ Windows Phone គឺហ្គេមរបស់លោកបានទទួលការគាំទ្រពីប្រិយមិត្តជាច្រើន បន្ទាប់ដាក់ដំណើរការជាង ៣ ខែ។
លោកថា ចាប់តាំងហ្គេមសុកនិងសៅរបស់លោកយកទៅដាក់នៅលើ Windows Phone មានការទាញយកជាង ១០ ម៉ឺនដងហើយគិតមកទល់ពេលនេះ។
លោកថា Windows Phone មានលក្ខណៈពិសេសដោយសារវាមានកម្មវិធីសម្រាប់ជួយ Developer អភិវឌ្ឍកម្មវិធីមានភាពងាយស្រួល។ ម្យ៉ាងវិញទៀត វាថ្មីនៅមិនទាន់កម្មវិធីច្រើន ដែលជាឱកាសសម្រាប់ Developer អាចអភិវឌ្ឍកម្មវិធីយកទៅដាក់នៅលើ Store នេះ ដើម្បីទទួលបានការចាប់អារម្មណ៍ពីអ្នកប្រើប្រាស់។
លោកអះអាងថា លោកកំពុងមានគម្រោងបង្កើត App ថ្មីជាបន្តបន្ទាប់សម្រាប់ដាក់នៅលើ Windows Phone បន្ទាប់ពីទទួលបានការគាំទ្រច្រើន និងមានការលើកទឹកចិត្តពីក្រុមហ៊ុន Microsoft។
បន្តអាន៖ Monin កម្មវិធីបង្រៀនធ្វើភេសជ្ជៈដ៏សំបូរបែប សាមញ្ញៗអាចរៀនធ្វើដោយខ្លួនឯង។
បន្តអាន៖ បរទេសជិះឡានយក្សលេចខ្លួនជាថ្មីកាត់មហាវិថីធំៗផ្អើលអស់អ្នកដំណើរតាមផ្លូវ។
អត្ថបទ៖ ប៊ុណ្ណារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
