ម្ចាស់​ផ្ទះ​បុរាណ​អាយុ​កាល​ជិត១០០​ឆ្នាំ បាន​ព្រាត់ប្រាស​កូន​ៗ និង ស្វាមី ដោយសារ​ខ្មែរក្រហម ថ្វី​បើ​មិន​ដឹង​ស្លាប់​ ឬ​រស់ ប៉ុន្តែ អ្នកស្រី ប៊ុន រឿង អាយុ ៧៦​ឆ្នាំ បាន​ចាត់​ទុក​ថា "ស្លាប់"។ ជាង ៣០ ឆ្នាំ​មក​ហើយ​ដែល​កូន​ ៤ នាក់​បាន​បាត់​ខ្លួន​នៅ​សម័យ​ខ្មែរ​ក្រហម និង ស្វាមី​បាន​ចុះចេញ​ពី​ផ្ទះ ធ្វើ​ឲ្យ​អ្នកស្រី​អស់​ក្ដី​សង្ឃឹម​ថា នឹង​បាន​ជួប​គ្នា​វិញ។

ផ្ទះ​បុរាណ​អាយុ​កាល​ជិត ១០០ ឆ្នាំ នៅ​ក្នុង​ខេត្ត​បាត់​ដំបង ដែល​មាន​ម្ចាស់​ផ្ទះ​ឈ្មោះ ប៊ុន រឿង​ អាយុ ៧៦ ឆ្នាំ បាន​ឲ្យ​ដឹង​ថា ផ្ទះ​បុរាណ​មួយ​នេះ មាន​ភ្ញៀវ​ទេសចរណ៍​ចូល​ច្រើន​ទាំង​ភ្ញៀវ​ជាតិ និង អន្តរជាតិ ក្នុង​នោះ​​ភ្ញៀវ​ដែល​មក​ច្រើន​ជាង​គេ គឺ​ជនជាតិ​បារាំង។