ក្នុង​ឆ្នាំ២០១៧​នេះ វិស័យ​សិល្បៈ​ខ្មែរ​បាន​ពើប​ប្រទះ​រឿង​ជា​ច្រើន ក្នុង​នោះ​មាន​រឿង​ល្អ និង​រឿង​អពមង្គល។ ដើម្បី​ជា​ការ​រម្លឹក Sabay បាន​ចង​ក្រង​នូវ​រឿង​រ៉ាវ​សំខាន់ៗ​ដែល​កើត​ឡើង​ក្នុង​រង្វង់ សិល្បៈ​ទាំង​១០ មក​ជម្រាប​ជូន​ប្រិយមិត្ត។

Iអតីត ​Freshie Boy ថៃ​ នរៈ​ពិទូ ជាប់ពាក់ព័ន្ធ​នឹង​បទល្មើស​រក្សា​ទុក​គ្រឿងញៀន ប្រឈម​ជាប់​ពន្ធនាគារ​ ពី​១-៥ ឆ្នាំ តារា​សម្តែង និងជាអតីតហ្វ្រេស៊ីលេខ១ ប្រចាំឆ្នាំ២០០៦  ថៃ នរៈពិទូ ព្រម​ទាំង​ភរិយា​ និង​គូ​ក​ន៤នាក់​ទៀត ត្រូវ​បាន​​ប៉ូលិស​ខេត្ត​បាត់​ដំបង​ធ្វើការ​ឃាត់ខ្លួន​ពាក់ព័ន្ធ នឹង​ករណី​ជួញ​ដូរ​ថ្នាំញៀន កាលពីព្រឹកថ្ងៃទី១១ ខែ​មករា ឆ្នាំ​២០១៧​កន្លង​ទៅ​។ ការ​ឃាត់​ខ្លួន​នេះ​បាន​ធ្វើ​ឡើង​នៅ​ខារ៉ា​អូខេ​មួយ​កន្លែង​ យីហោ ដឺសោន ហ្វាមីលី (The Sound Family KTV) បន្ទប់​លេខ២ ដោយ​រក​ឃើញ​ថា ពួកគេ បាន​ប្រើ​ប្រាស់ រក្សា​ទុក​ និង​ជួញ​ដូរ​ដោយ​ខុសច្បាប់​នូវ​សារ​ធាតុ​ញៀន។ កាល​ណោះ សមត្ថកិច្ច​បាន បាន​ដក​ហូត​​ថ្នាំញៀន​ប្រភេទ​កេតា​មីន​ (KETAMINE​ខេ) ​ចំនួន​៣​ថង់​ទម្ងន់​០,៨៨​ក្រាម​ ​ឧបករណ៍​(​ពុម្ព​)​ សម្រាប់​កែច្នៃ​ថ្នាំញៀន​អ៊ិច​ស្តាស៊ី​ចំនួន​២ ថ្នាំ​អំពូល ដឺយ៉ាហ្សឺប៉ាម (​Diazepam​) ចំនួន​២​អំពូល​ ថ្នាំ​គ្រាប់​ ហ្សឺប៉ាម (ZEPAM​) ចំនួន​១៦​បន្ទះ​​និ ង​សម្ភារៈ​វេច​ខ្ចប់​ថ្នាំញៀន​មួយ​ចំនួន​ទៀត​។ គិត​មក​ដល់​ពេល​នេះ លោក​ ថៃ នរៈពិទូ កំពុង​ជាប់​ឃុំ​ខ្លួន​ក្នុង​ពន្ធនាគារ​​នៅ​ឡើយ។​ http://news.sabay.com.kh/article/899374#utm_campaign=onpage

IIIយូរី រង​ការ​ចោទ​ថា​ក្បត់​ស្នេហ៍​ចាស់​ ទៅ​យក​បុរស​ម្នាក់​ក្នុង​ទ្រនំ​តែ​មួយ​

រឿង​ដ៏​គួរ​ឲ្យ​ភ្ញាក់​ផ្អើល​មួយ​បាន​កើត​ឡើង​កាល​ពី​យប់​ថ្ងៃ​ទី​៣០​ ឧសភា ឆ្នាំ​២០១៧​​​ ដោយ​គណនី ហ្វេសប៊ុក Red ​អ្នក​ដឹក​នាំ MV របស់​ផលិតកម្ម​ Town បាន​បង្ហោះ​សារ​​​ថា​ តារា​​ចម្រៀង ​យូរី​ ដែល​ជា​សង្សារ​ខ្លួន​បាន​ផិត​ក្បត់​ទៅ​យក​អ្នក​ថ្មី​ដែល​នៅ​ក្នុង​ផលិត​កម្ម​សាន់​ដេ​​។ ​

ក្នុង​សារ​ដដែល លោក​សរសេរ​ទម្លាយ​ថា​ ខ្លួន​ និង​ យូរី បាន​រស់​នៅ​​រួម​សុខ រួម​ទុក​ជា​មួ​យ​គ្នា​៤ឆ្នាំ​ ដូច​ប្តី​ប្រពន្ធ​អ៊ីចឹង ហេតុ​អ្វី​បាន​ជា​នាង​ដាច់​ចិត្ត​ក្បត់​យ៉ាង​ដូច្នេះ​។ ក្រោយ​ពី​នោះ លោក​បាន​អត្តសញ្ញាណ​ថា អ្នក​ចដែល​ យូរី លួច​មាន​ស្នេហ៍​ជា​មួយ​គឺ​តារា​ចម្រៀង​រួម​ទ្រនំ Bmo ម្ចាស់​បទ "ចាក់ទឹកដូង"។

ក្រោយ​មក​ Bmo ក៏​បាន​ចេញ​មុខ​បក​ស្រាយ​លើ​បញ្ហា​នេះ​ដែរ​ថា លោក និង​ យូរី ​ពិត​ជា​មាន​ទំនាក់​ទំនង​ស្នេហា​ពិត​មែន ហើយ​ស្នេហា​នេះ មិន​មែន​ជា​ស្នេហា​ត្រីកោណ​ឡើយ​​ ពោល​គឺ​អ្នក​ទាំង​២​បាន​សាង​ស្នេហ៍​ក្រោយ​ ​ យូរី បាន​បែក​បាក់​ជា​មួយ​ Red ​ជា​យូរ​ហើយ។

http://news.sabay.com.kh/article/936757#utm_campaign=onpage

III ក្រសួង​វប្បធម៌​ បញ្ឈប់​សកម្មភាព​សិល្បៈ​លើ​ទូរទស្សន៍​របស់ ដេនី ក្វាន់ ១ឆ្នាំ ដោយ​មូលហេតុ​សិចស៊ី

ភាព​សិចស៊ី​របស់​កញ្ញា​ ដេនី ក្វាន បាន​កើត​ជា​ក្ដី​ក្ដាំង​ដ៏​ក្ដៅ​​​គគុក​១​ប្រចាំ​ឆ្នាំ​២០១៧ ​ដោយ​ក្រសួង​វប្បធម៌ និង​វិចិត្រ​សិល្បៈ​បាន​សម្រេច​បញ្ឈប់​​ រាល់​សកម្មភាព​សិល្បៈ​ទាំង​ស្រុង​របស់​នាង​រយៈ​ពេល​​ពេញ​ឆ្នាំ។ សេចក្ដី​សម្រេច​នេះ ​បាន​ធ្វើ​​ឡើង​ក្នុង​ការ​ប្រជុំ​កិច្ច​ប្រជុំ ដែល​​ប្រព្រឹត្ត​ឡើង​កាល​​ថ្ងៃ​ទី ២៥ មេសា។​

ករណី​នេះ បាន​ធ្វើ​ឲ្យ​មាន​ការ​ភ្ញាក់​ផ្អើល​យ៉ាង​ខ្លាំង​ ដោយ​សូម្បី​តែ​សារព័ត៌មាន​ធំៗ​នៅ​ក្រៅ​ប្រទេស​ដូច​ជា កាសែត​អង់គ្លេស Daily Mail និង​វិបសាយ RT របស់​រុស្ស៊ី​ក៏​បាន​ចុះ​ផ្សាយ​ពី​រឿង​នេះ​ដែរ។ ​

​ http://news.sabay.com.kh/article/928792#utm_campaign=onpage

II គួរ​ឲ្យ​ស្ដាយ​បុគ្គល​ល្បី​ល្បាញ​ ៣រូប ​​ក្នុង​សិល្បៈ​បាត់​បង់​ជីវិត​​នៅ​ឆ្នាំ​២០១៧

គិត​ចាប់​ពី​ដើម​ឆ្នាំ​រហូត​មក​ដល់​ពេល​នេះ សង្គម​សិល្បៈ​សម័យ​​​​កម្ពុជា​បាន​បាត់​បង់​បុគ្គល​​​ដែល​មាន​ស្នា​ដៃ​ល្បី​ល្បាញ​ចំនួន​៣​រូប​ជា​បន្ត​បន្ទាប់​ ដែល​រឿង​រ៉ាវ​​បាន​ធ្វើ​ឲ្យ​សិល្បករ និង​អ្នក​គាំទ្រ​សិល្បៈ​ជា​ច្រើន​កើត​ក្ដី​សោក​សង្រេង​ជា​ពន់​ពេក។ ​ ១/ ពិធី​ករ​ចាស់​វស្សា​​សម្បូរ​ទៅ​ដោយ​វោហារ​សព្ទ​​លោក អ៊ិត សេដ្ឋា បាន​​បាត់​បង់​ជីវិត​កាល​ពី​ថ្ងៃ​ទី​៤​ ខែ មិថុនា ឆ្នាំ​ ២០១៧ ​នៅ​មន្ទីរ​ពេទ្យ​រុស្ស៊ី​​ដោយ​ជំងឺ​ក្រិន​ថ្លើម​យូរ​បណ្ដាល​ទៅ​ជា​ជំងឺ​មហា​​រីក​ រួម​ទាំង​ជំងឺ​ទឹក​នោម​ផ្អែម​។ ការ​បាត់​បង់​ជីវិត​ លោក អ៊ិត សេដ្ឋា ធ្វើ​ឲ្យ​មហា​ជន​ទាំង​ក្នុង​ និង​ក្រៅ​សិល្បៈ​សោក​​​ស្ដាយ​យ៉ាង​ខ្លាំង​​ព្រោះ​បាត់​បង់​ធន​ធាន​ដ៏​កម្រ​​មួយ​នេះ​។

២/ លោក អ៊ា វឌ្ឍនា ​ជា​អ្នក​គ្រប់​គ្រង​ទូ​ទៅ​នៅ​ផលិត​កម្ម​ថោន និង​ជា​ស្ថាបនិក​ក្រុម​ EV Band ​​បាន​ទទួល​មរណភាព​កាល​ពី​ថ្ងៃ​ទី ១៨ ខែ មករា ឆ្នាំ ២០១៧ កន្លង​ទៅ​នេះ​នៅ​ឯ​មន្ទីរ​ពេទ្យ​មួយ​នៃ​ប្រទេស​បារាំង​ ដោយ​ជំងឺ​បែក​ទឹក​ប្រមាត់​។ ការ​ស្លាប់​របស់​លោក ធ្វើ​ឲ្យ​​អ្នក​សិល្បៈ​ និង​មហា​ជន​ដែល​ស្គាល់​រូប​លោក​ក្រៀម​ក្រំ​ខ្លាំង​បំផុត​ផង​ដែរ​។

៣ / អ្នក​ផលិត​កម្ម​វិធី​កីឡា​​ដ៏​ល្បី​ល្បាញ​ និង​ជា​អ្នក​និពន្ធ​ម្នាក់​ លោក ម៉ា សេរី បាន​ស្លាប់​បាត់​បង់​ជីវិត​នៅ​ថ្ងៃ​ទី​ ៨ ខែ កុម្ភៈ​ ឆ្នាំ ២០១៧ ដោយ​ជំងឺ​មហា​រីក​ថ្លើម​ នៅ​មន្ទីរ​ពេទ្យ​មិត្តភាព​ខ្មែរ​សូវៀត​។ ធ្វើ​ឲ្យ​អ្នក​ស្នេហា​វិស័យ​កីឡា​ និង​មហា​ជន​ជា​ច្រើន​ក្ដុក​ក្ដួល​​ផង​ដែរ​ពី​ការ​បាត់​បង់​ជីវិត​របស់​លោក​ ម៉ា សេរី៕​​​​​

I.1 មរណភាព​សាន ស្រីឡៃ ចាប់​ផ្ដើម

ក្រៅ​ពី​នោះ​ មរណភាព​របស់​តារា​ចម្រៀង​វ័យ​ក្មេង​ អ្នក​នាង​ សាន ស្រីឡៃ អតីត​បេក្ខភាព The Voice Cambodia រដូវកាលទី២ បាន​បង្ក​ភាព​តក់​ស្លុត​យ៉ាង​ខ្លាំង​ដល់​មហាជន​។ នាង​ត្រូវ​បាន​អតីត​ស្វាមី​បាញ់​សម្លាប់​ កាល​ពី​ល្ងាច​ច័ន្ទ ទី​១៦ តុលា ឆ្នាំ​​២០១៧​ នៅ​គ្លីនិក​កែ​សម្ផស្ស​មួយ ស្ថិត​បណ្ដោយ​ផ្លូវ​លេខ៣៦០ ក្នុងសង្កាត់បឹងកេងកង១ ខណ្ឌ​ចំការ​មន។

ហេតុការណ៍​បាញ់​សម្លាប់​កណ្ដាល​ទីក្រុង​បាន​នេះ​បង្ក​ការ​ភ្ញាក់​ផ្អើល​យ៉ាង​សម្បើម​ ដោយ​ខ្មាន់​កាំភ្លើង​ជា​ស្វាមី​​បាន​បាញ់​ជាច្រើន​គ្រាប់​ចំទ្រូង​សងខាង និង​ក្បាល​របស់​ ស្រីឡៃ ​បន្ទាប់​មក​ក៏បាញ់​សម្លាប់​ខ្លួន​ឯង​តែ​ម្ដង​។

មូល​ហេតុ​ដែល​នាំ​ឲ្យ​មាន​ឃាតកម្ម​នេះ ត្រូវ​បាន​​​អ្នក​ស្រី​ ឡុង​​ ចាន់ធី​ ត្រូវ​ជា​ម្ដាយ ស្រីឡៃ បញ្ជាក់​ថា កើត​ឡើង​មក​ពី​ក្ដី​មិន​សុខ​ចិត្ត​ ដែល​បុរស​ជា​អតីត​ស្វាមី​បាន​មក​ចរចា​សុំ​ត្រូវរ៉ូវ​​ជា​មួយ​ អ្នកនាង សាន ស្រឡៃ វិញ​តែ​នាង​បាន​បដិសេធ​ ក្រោម​ហេតុផង​​បុរស​រូប​នោះ​ធ្លាប់​មាន​ប្រពន្ធ និង​កូន​រួច​ហើយ ម៉្យាង​នាង​មិន​ចង់​​បន្ត​ជាប់​ឈ្មោះ​ដណ្ដើម​ប្ដី​គេ​តទៅ​ទៀត។

III កូនប្រុស ហុង​ដា សម្លាប់ម្តាយចុងយ

​

ករណី​ឃាតកម្ម​លើ​ម្ដាយ​ចុង​របស់​កូន​ប្រុស​តារា​កំប្លែង នាយ ហុងដា បាន​បង្ក​ជា​ភាព​តក់​ពាសពេញ​ផ្ទៃ​ប្រទេស​កម្ពុជា ដោយ​ហេតុការណ៍​នេះ​បាន​កើត​ឡើង​នៅ​ខុនដូ​របស់​នាយ ហុងដា ​កាល​ពី​ល្ងាច​ថ្ងៃ​ទី ១១ ឧសភា ឆ្នាំ​២០១៧។

ក្នុង​នោះ ឃាតក​​ ខា សុខេន ដែល​ជា​កូន​បង្កើត​​របស់​តារា​កំប្លែង​ខាង​លើ និង​នាង​ឃ្មឹប​បាន​សារភាព​ថា​ខ្លួន ពិត​ជា​បាន​សម្លាប់​ម្ដាយ​ចុង​ឈ្មោះ ស៊ឹម ចន្ធី​ ហៅ​ស្រីអូន អាយុ​១៨​ឆ្នាំ និង​​ទើប​នឹង​ឆ្លង​ទន្លេ​បាន​៦ខែ ដោយ​រឹត​ករ​ នឹង​ខ្សែ​ឆ្នាំង​អ៊ុត ​​ឲ្យ​ស្លាប់​ជា​មុន ហើយ​​រុំ​ជា​មួយ​ភួយ​ក្រឡា​ការ៉ូ ពណ៌​ផ្កាឈូក អូស​ទៅ​ដាក់​ក្នុង​បន្ទប់​ទឹក។ មូលហេតុ​ដែល​ជន​ល្មើស​ធ្វើ​ដូច​នេះ​ត្រូវ​បាន​ទម្លាយ​តាម​លោក​អេង​ហ៊ី​អ្នក​នាំ​ពាក្យ​កងរាជអាវុធហត្ថ​លើ​ផ្ទៃ​ប្រទេស​ថា ជា​ករណី​ប្លន់​ ​ដោយ​សារ​ឃាតក​ញៀន​ថ្នាំ ​​និង​ឈ្លក់​វង្វេង ​នឹង​ស្រី​ហើយ​គ្មាន​​លុយ​ ក៏​សម្រេច​ចិត្ត​រឹត​ក​សម្លាប់​យក​គ្រឿង​អលង្កា​​ និង​​លុយ​ដើម្បី​បំពេញ​តម្រេក​របស់​ខ្លួន​។

​ជុំ​វិញ​​​​ក្ដី​ក្ដាំង​ខាង​លើ​នេះ ​​សាលា​ដំបូង​រាជធានី​ភ្នំពេញ នឹង​ធ្វើ​ការ​ប្រកាស​សាល​ក្រមនៅថ្ងៃទី២៥ ខែ​ធ្នូ ខាង​មុខ​នេះ​ហើយ។

http://news.sabay.com.kh/article/tag/%E1%9E%93%E1%9E%B6%E1%9E%84-%E1%9E%83%E1%9F%92%E1%9E%98%E1%9E%B9%E1%9E%94

IIIនី មុន្នីនាថ ត្រូវ​​គូ​ដណ្ដឹង​ ​ដាក់​ពាក្យ​ប្ដឹង​ពី​បទ​ឆបោក​​​​

​លោក​ អ៊ឹង សូឡាង អតីត​គូ​ដណ្តឹង នី មុន្នីនាថ បាន​សម្រេច​​ដាក់​ពាក្យ​ប្ដឹង​ នី មុន្នីនាថ ​ទៅ​សាលា​ដំបូង​រាជ​ធានី​ភ្នំពេញ​ហើយ​ កាល​ពី​ថ្ងៃ​ទី ២៨ ខែ កញ្ញា ឆ្នាំ ២០១៧ កន្លង​ទៅ​​ ពី​បទ​ឆបោក​ និង​រំលោភ​លើ​សេចក្ដី​ទុក​ចិត្ត​។

យោង​តាម​ពាក្យ​ប្ដឹង​​ដែល​ភាគី​ខាង​ដើម​ចោទ​ដាក់​ទៅ​សាលា​ដំបូង​រាជ​ធានី​ភ្នំពេញ ​បាន​សុំ​ឲ្យ​តុលាការ​​ចេញ​​​សាល​ក្រម​រួម​មាន​៖​ ឲ្យ​ នី មុន្នីនាថ ដែល​ជា​ចុង​ចម្លើយ​​សង​ប្រាក់​ ៧០ ០០០ ដុល្លារ​អាមេរិក​​ (ប្រាំពីរ​ម៉ឺន​​)​ ព្រម​ទាំង​សង​ជំងឺ​ចិត្ត​ ៥០ ០០០ ​​ដុល្លារ​អាមេរិក​ (ប្រាំ​ម៉ឺន​)​ បន្ថែម​ទៀត​។ មូល​ហេតុ​អង្គ​ហេតុ​បញ្ជាក់​ពី​ការ​ទាម​ទារ​៖ ​ ដើម​ចោទ​ឈ្មោះ​ អ៊ឹង សូឡាង និង​ចុង​ចម្លើយ​ឈ្មោះ​ នី មុន្នីនាថ បាន​ស្គាល់​ និង​បាន​ស្រលាញ់​គ្នា​ក្នុង​ឆ្នាំ​ ២០១៤ ដោយ​ព្រមព្រៀង​យ៉ាង​ច្បាស់​ថា​ នឹង​យក​គ្នា​ជា​ប្ដី​ប្រពន្ធ​ ទៅ​ថ្ងៃ​អនាគត​ ទើប​ដើម​ចោទ​រៀបចំ​ពិធី​ភ្ជាប់​ពាក្យ​ ដោយ​មាន​ឪពុក​ម្ដាយ​ទាំង​សង​ខាង​បាន​ដឹង​ឮ​។

ជុំ​វិញ​បញ្ហា​នេះ ភាគី​ នី មុន្នីនាថ មិន​បាន​ចេញ​មុខ​បក​ស្រាយ​ដោយ​ផ្ទាល់​ឡើយ តែ​លោក រ៉ូ ប៊ីនណៃ មេធាវី​ការពារ​ក្ដី​ឱ្យ​កញ្ញា​ លើ​បណ្ដឹង​ឆបោក​នេះ​ រំពឹង​កូន​ក្ដី​របស់​លោក នឹង​ឈ្នះ​ក្ដី ហើយ​ទទួល​បាន​យុត្តិធម៌​ជាក់​ជា​មិន​ខាន។ លោក​មេធាវី​អះអាង​ដូច្នេះ ដោយសារ​លោក​មាន​ភស្តុតាង​គ្រប់គ្រាន់ អាច​បញ្ជាក់​បាន​ថា​កូន​ក្ដី​ខ្លួន មិន​បាន​ឆបោក​ដូច​ការចោទប្រកាន់ ពី​សំណាក់​អតីត​គូដណ្ដឹង​លោក អ៊ឹង សូឡាង នោះ​ទេ។ មេធាវី​រូប​នេះ​អះ​អាង​ថា កូន​ក្ដី​របស់​លោក​មាន​តែ​រង​ភាព​អាម៉ាស់ និង​ក្លាយ​ជា​មេម៉ាយ​ឥត​ខាន់​ស្លា​ទៅ​វិញ ចំពោះ​បណ្ដឹង​នេះ ព្រោះ​បាន​ធ្វើ​ឱ្យ​ប៉ះ​ពាល់​ដល់​ជីវភាព​ប្រចាំ​ថ្ងៃ ក៏​ដូច​ជា​កេរ្តិ៍​ឈ្មោះ​នៅ​ក្នុង​សង្គម។

IIII កម្ពុជាធ្វើជាម្ចាស់ផ្ទះ Miss Global 2017 ​នៅ​ឆ្នាំ២០១៧​នេះ ប្រទេស​កម្ពុជា គឺ​ជា​ម្ចាស់​ផ្ទះ ហើយ​ក៏​ជា​លើក​ដំបូង​​របស់​កម្ពុជា​ផង​ដែរក្នុងការរៀបចំកម្មវិធីប្រកួតសម្រស់​លក្ខណៈអន្តរជាតិមួយនេះ ដែលមាន​បេក្ខនារី​មក​ពី​៦០​ប្រទេស​ចូល​រួម ។កញ្ញា​ យស ប៉ូលីណា (Paulina Yos)​ ​តំណាង​កម្ពុជា ត្រូវ​បាន​ជ្រើសរើស​ឲ្យ​​​ចូល​រួម​ប្រកួត​កម្មវិធី​បវរកញ្ញា​ពិភព​លោក​នេះ។ កញ្ញា មាន​វ័យ​២៥​ឆ្នាំ នាង​មាន​ឈាម​ជ័រ​ខ្មែរ-អាមេរិក ដោយ​សព្វ​ថ្ងៃ​រស់​នៅ​​ក្រុង San Francisco រដ្ឋ​ California សហរដ្ឋ​អាមេរិក។ ក្នុងកម្មវិធីបិទ​បញ្ចប់​នៅ​ថ្ងៃ​ទី១៧ ខែ វិច្ឆិកា ឆ្នាំ២០១៧ កម្មវិធី រក​ឃើញ​​ម្ចាស់​មកុដ Miss Global ឆ្នាំ​២០១៧ ​បាន​លើ​បវរកញ្ញា​ Barbara Vitorelli មក​ពី​ប្រទេស​ប្រេស៊ីល។ ខណៈ​តំណែងបវរកញ្ញា​​រង​ទី​១​បាន​ទៅ​លើកញ្ញា Tenielle Adderly មក​ពី បាហាម៉ា បវរកញ្ញា​រង​ទី​២ Selina Kriechbaum មក​ពី​អា​ល្លឺម៉ង់ បវរកញ្ញារង​ទី​៣ Ayan Said មក​ពី​ប្រទេស សុម៉ាលីឡែន និង​បវរកញ្ញា​រង​ទី​៤ Lily Wu មក​ពី​ប្រទេស​ចិន​។

ព្រឹត្តិការណ៍ Miss Global 2017 បានបញ្ចប់ទៅដោយមានរឿងរ៉ាវ​​ផ្ទៃ​ក្នុង​១​ចំនួន ដោយ​ក្រោយ​ប្រកាស​លទ្ធផល​១​ថ្ងៃ​​ ស្រាប់​តែ​​មាន​ការ​ប្រកាស​ឈប់​ទទួល​ស្គាល់ អតីត ​CEO​ គឺ​លោក Ratanak Roth Oeurn ក្រោម​មូល​ហេតុ​​ ​លោក​បាន​អនុវត្តន៍​នូវ​កំហុស​ឆ្គង​ខ្លះ​ក្នុង​នាម​ជា​អ្នក​សម្របសម្រួល ពិសេស​ទៅ​​លើ​តុល្យភាព​ហិរញ្ញវត្ថុ

សម្រាប់​កម្មវិធី​លំដាប់​ថ្នាក់​ពិភពលោក​ដែល​ផ្ដួច​ផ្ដើម​ដោយ​កូន​ខ្មែរ និង​ប្រព្រឹត្តិ​ឡើង​នៅ​ព្រះរាជាណាចក្រ​កម្ពុជា​នេះ ក៏​ទទួល​​បាន​ការ​រិះគន់​យ៉ាង​សម្បើម​ដែរ​ទៅ​លើ​បេក្ខភាព​តំណាង​ជាតិ​ដែល​ជា​កូន​ខ្មែរ​ម្នាក់ មិន​សូវ​មាន​ចំណេះ​ដឹង​ទូទៅ​ពី​កម្ពុជា​​ ថែម​ទាំង​មិន​អាច​ប្រើ​ប្រាស់​ភាសា​ខ្មែរ​បាន​ល្អ​ទៀត៕

សុគន្ធ និសា ចូលរោងការ៖

តារាចម្រៀងស្រីប្រចាំផលិតកម្ម ហង្សមាស សុគន្ធ និសា បានក្រាបសំពះផ្ទឹមការជាមួយ លោក​ ចៅ សម្បត្តិ ដែលគេស្គាល់ថា ឈ្មោះសាំបា អាណិកជន​ខ្មែរ​អាមេរិក​ នៅថ្ងៃ​ទី​ ១ ខែ ធ្នូ​ នៅ​សណ្ឋាគារ​លំដាប់ផ្កាយ៥ សូហ្វីតែល​៕​​​​

​​​​​​ ​​