ផាន់ ម៉ូនីកា ប្រែប្រួលទំនាក់ទំនងជាមួយអ្នកសិល្បៈ ក្រោយក្លាយជាជំទាវ

2018-05-05 05:09:41
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតតារាចម្រៀងផលិតកម្មសាន់ដេ ផាន់ ម៉ូនីកា បានទទួលស្គាល់ថា ខ្លួនមានការផ្លាស់ប្ដូរច្រើន បន្ទាប់ពីទទួលបានងារជាលោកជំទាវ ពិសេសជាមួយអ្នកសិល្បៈតែម្ដង។

ផាន់ ម៉ូនីកា ជាមួយស្វាមី

ហេតុផលដែលធ្វើឲ្យ ផាន់ ម៉ូនីកា ប្រែប្រួលច្រើន ក្រោយពីមានឈ្មោះជាជំទាវ ដោយសារតែអំឡុងពេលប្រឡូកសិល្បៈ ខ្លួនមមាញឹកខ្លាំងទាំងការបើកអាជីវកម្ម និងត្រៀមផលិតបទចម្រៀងថ្មីៗ ដើម្បីតម្រូវចិត្តពុកម៉ែបងប្អូន និងមិត្តយុវវ័យ ទើបនាង មិនសូវមានពេលវេលាគ្រប់គ្រាន់បានជួបជុំ មិត្តភ័ក្ដិសិល្បៈក្នុងពិធីជប់លៀង ឬ មង្គលការផ្សេងៗ។

ផ្ទុយខុសស្រលះពីពេលនេះ ផាន់ ម៉ូនីកា បានលើកឡើងថា បន្ទាប់ពីមានឈ្មោះជាជំទាវមកខ្លួន ជាមួយមិត្តភ័ក្ដិសិល្បៈ កាន់តែស្និទ្ធជាងមុនទៅទៀត ណាមួយអាជីវកម្មក៏ដំណើរការទៅល្អទើបមិនសូវរវល់ដូចមុន រហូតធ្វើឲ្យម្ចាស់បទ"ស្នេហានិងវណ្ណៈ" រូបនេះមានពេលវេលាគ្រប់គ្រាន់ក្នុងការជួបជុំមិត្តភ័ក្ដិសិល្បៈ។

ផាន់ ម៉ូនីកា ជាមួយម្ដាយក្មេក

ផាន់ ម៉ូនីកា និយាយថា៖" ខ្ញុំជាអ្នកសិល្បៈមួយរូបដែរ ទំនាក់ទំនងជាមួយសិល្បៈចេះតែងតែមានជានិច្ច ហើយខ្ញុំមិនដែលដំឡើងខ្លួនឯងជាជំទាវនោះទេ មិត្តភ័ក្ដិពីមុនគាត់ហៅខ្ញុំបែបណា ឲ្យគាត់ហៅបែបនោះចុះ ព្រោះចង់រក្សាភាពស្និទ្ធស្នាល បើឲ្យគាត់ហៅខ្ញុំជាជំទាវមិនដូចមិនមានភាពស្និទ្ធស្នាលទេ។

ផាន់ ម៉ូនីកា បានក្លាយជាជំទាវកាលពីឆ្នាំ ២០១៦ កន្លងទៅ ក្រោយពីលោក គង់ សុខម៉េង ជាស្វាមីត្រូវបានតែងតាំងជាជំនួយការផ្ទាល់របស់សម្ដេចក្រឡាហោម ស ខេង ៕

អត្ថបទ៖ ឆុង ស៊ីណាន