ប្តូរបរិយាកាសថ្មី ផឹកកាហ្វេ ស្តាប់ឆ្មាយំ មានតែអ្នកស្រលាញ់ឆ្មាទេទើបយល់អារម្មណ៍នេះ

2018-08-11 07:48:44
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់អ្នកដែលចូលចិត្ត និងស្រលាញ់ សត្វឆ្មា ពេលនេះអ្នកអាចទៅទស្សនា ឆ្មាស្អាតៗ Cute Cute ជាច្រើននៅហាង Cat U House ដែលទើបនឹងបើកថ្មីបានហើយ។

ហាងខាងលើនេះដែលដំណើរការតាំងពីថ្ងៃទី៨ ខែ សីហា ឆ្នាំ ២០១៨ មួយនេះ ក៏អនុញ្ញាតឲ្យអតិថិជន អាចលេងកម្សាន្ត និងថតរូបជាមួយឆ្មាទាំងនោះផងដែរ។ Cat U House នឹងផ្លាស់ប្តូរអារម្មណ៍លោកអ្នក ដែលធ្លាប់ស្តាប់ចម្រៀងពេលពិសាកាហ្វេ មកស្តាប់សំឡេងឆ្មាយំវិញម្តង វាមានទីតាំងស្ថិតនៅ ផ្លូវ៥៧ កែងផ្លូវ ៣៣៤ សង្កាត់ បឹងកេងកង ១ ខណ្ឌ ចំការមន។

Cat U House ត្រូវបានបង្កើតឡើងដោយពាក្យបី ៣ ម៉ាត់ជាភាសាអង់គ្លេស Cat ដែលមានន័យថា ឆ្មា ពាក្យ You ដែលមានន័យថាអ្នក និងពាក្យ House ដែលមានន័យថា ផ្ទះ ដែលយកពាក្យទាំង៣ នេះបូកចូលគ្នាមានន័យថា អ្នក និង ឆ្មា គឺនៅផ្ទះតែមួយ។ គោលបំណងសំខាន់គឺ ចង់ឲ្យអតិថិជនពិសាកាហ្វេ និងភេសជ្ជៈផ្សេងៗ ដែលមានរសជាតិឈ្ងុយឆ្ងាញ់ក្នុងហាង Cat U House និងអាចលេងកម្សាន្ត ជាមួយឆ្មាជាច្រើន ដែលមាននៅក្នុងហាងមួយនេះ។ លើសពីនេះ Cat U House ក៏ជាបណ្ដុំនៃក្រុមអ្នកចូលចិត្តសត្វឆ្មាជួបជុំគ្នា និងអ្នកដែលចូលចិត្តសត្វឆ្មា កាន់តែមានភាពស្និទ្ធស្នាលជាជាមួយសត្វឆ្មា។

“ហាងរបស់ខ្លួន មិនបានបង្កើតឡើងដើម្បីប្រកួតប្រជែងជាមួយហាងកាហ្វេប្រេន ក្នុងប្រទេសកម្ពុជាទេ ប៉ុន្តែ Cat U house ជាកន្លែងផ្ទះរបស់អ្នកគ្រប់គ្នា ព្រោះអតិថិជនដែលចូលមកទីនេះ គឺមិនមែនជាភ្ញៀវទេ ប៉ុន្តែជាគឺជាសមាជិកគ្រួសារ ដូចជាបងស្រី ប្អូនស្រី បងប្រុស ប្អូនប្រុស។ ចំពោះរសជាតិភេសជ្ជៈរបស់ហាង Cat U house នេះ គឺផ្ដោតទៅលើរសជាតិប្លែក ដែលនៅប្រទេសកម្ពុជាពុំទាន់មាន”។ នេះបើតាមការបញ្ជាក់ពីអ្នកតំណាងម្នាក់នៅក្នុងហាងនេះ។

នាពេលខាងមុខ ហាង Cat U house នឹងបន្ថែមលក្ខណៈពិសេសទៀត ដោយមិនមែនមានតែកាហ្វេ និងភេសជ្ជៈ គឺថែមទាំងមាននូវគំនូរប្រេងទៀតផង។ លើសពីនេះហាង Cat U house នឹងមានក្រុមភ្លេង ដើម្បីឲ្យអ្នកមកទីនេះបានស្ដាប់ភ្លេងកំដរអារម្មណ៍ផងដែរ៕

ព័ត៌មានបន្ថែមអាចចូលតាមដានក្នុងផេគ៖ Cat U House ៕