មកដល់ភ្លាម ម្ចាស់មេដាយមាសអាស៊ីថា ពិតជាសំណាងបំផុតមានគេទទួលច្រើន

2018-09-03 12:29:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មេដាយមេដាយមាសកីឡាទ្វីបអាស៊ីរបស់កម្ពុជាទាំងពីរនាក់ពិតជារំភើបរីករាយខ្លាំងបំផុត បន្ទាប់ពីមកដល់ទឹកដីកម្ពុជាឃើញបងប្អូនប្រជាពលរដ្ឋខ្មែរទទួលស្វាគមន៍យ៉ាងច្រើនកុះករ និងកក់ក្តៅ។

កញ្ញា ខាន់ ចេសា បាននិយាយថា នាងពិតជារំភើបសប្បាយរីករាយខ្លាំងដែលបានឃើញបងប្អូនគាំទ្ររូបនាងច្រើនយ៉ាងនេះ។ ការគាំទ្រនេះពិតជាមានន័យណាស់សម្រាប់រូបនាង។ នាងពិតជាមានសំណាងណាស់ដែលបងប្អូនខ្មែរស្រលាញ់គាំទ្ររូបនាងយ៉ាងនេះ។

ចំណែកកីឡាករ សាលី អ៊ូមើតបាននិយាយថា រូបគេពិតជាមានអារម្មណ៍រំភើប និងពិតជាមានកិត្តិយសណាស់ដែលបានតំណាងឲ្យកម្ពុជាចូលរួមប្រកួតកីឡាទ្វីបអាស៊ីហើយឈ្នះបានមេដាយមាស១ និងសំរឹទ្ធ១។ រូបគេពិតជាអរគុណពលរដ្ឋខ្មែរដែលបានគាំទ្រ និងលើកទឹកចិត្តដល់រូបគេ

កីឡាករខ្មែរនៅអាមេរិក ខាន់ ចេសា ឈ្នះមេដាយមាស១ផ្នែកកីឡាចំបាប់ជឺជិតស៊ូ ខណៈ សាលី អ៊ូមើតឈ្នះមេដាយមាស១និងសំរឹទ្ធផ្នែកកីឡាម៉ូតូទឹក។ ម្ចាស់មេដាយកីឡាអាស៊ីទាំងពីរនាក់ និងគណៈប្រតិភូកីឡាកម្ពុជាក៏ជួបសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជានៅវិមានសន្តិភាពយប់នេះដែរ៕

អត្ថបទ៖ ជាន ចាន់រ៉ា