Sturridge យល់យ៉ាងណា អំពីការដឹកនាំរបស់លោក Klopp?

2018-10-03 12:27:02
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្មីៗនេះ ខ្សែប្រយុទ្ធសញ្ជាតិអង់គ្លេសរបស់ក្លឹបហង្សក្រហម Liverpool កីឡាករ Daniel Sturridge បាននិយាយលើកសរសើរអ្នកចាត់ការទូទៅក្លឹបលោកJurgen Kloppថាជាអ្នកចាត់ការទូទៅមួយដ៏អស្ចារ្យ បើទោះបីជារូបគេទទួលបានម៉ោងលេងតិចតួចក្តី។

នៅក្នុងបទសម្ភាសន៍ជាមួយក្រុមការងារគេហទំព័រផ្លូវការរបស់ក្លឹប Sturridge បានលើកឡើងថា៖ " នៅពេលដែលយើងបានលេង យើងត្រូវតែបញ្ចេញឲ្យអស់ពីសមត្ថភាព មិនថាបានលេង ៤-៥នាទី ឬបានចូលក្នុងជម្រើសដំបូងឡើយ។ ពេលដែលយើងលេងក្រោមទឹកមុខញញឹមហើយខំប្រឹងដាក់សម្ពាធគូប្រកួតតាមរបៀបរបស់យើង ខ្ញុំជឿថាក្រុមណាក៏យើងអាចយកឈ្នះបានដែរ " ។

កីឡាកររូបនេះបានបន្តថា៖ " ក្រុមយើងមានកីឡាករល្អៗ ហើយមានអ្នកចាត់ការទូទៅដ៏អស្ចារ្យ ថែមទាំងមានអ្នកគាំទ្រដែលតែងជួយផ្ដល់កម្លាំងចិត្តដល់យើងគ្រប់គ្នា តើមានអីដែលពួកយើងត្រូវការទៀត? "

Daniel Sturridge បានស៊ុតចូល៤គ្រាប់ក្នុងការបង្ហាញខ្លួន៧លើកនៅគ្រប់កម្មវិធីរបស់ក្លឹបLiverpool បន្ទាប់ពីចំណាយពេលពាក់កណ្ដាលរដូវកាលមុននៅក្លឹប West Brom ក្នុងនាមជាកីឡាករខ្ចីជើង៕

ប្រភព៖ Goal អត្ថបទ៖ សេរី មង្គល