វាយកូនបាល់កម្ពុជាបញ្ជូន ទេព ទីម៉ូធី ទៅហាត់នៅអាមេរិក៤ឆ្នាំតៀមស៊ីហ្គេម២០២៣
- 2019-01-17 07:38:14
- ចំនួនមតិ 0 | ចំនួនចែករំលែក 0
វាយកូនបាល់កម្ពុជាបញ្ជូន ទេព ទីម៉ូធី ទៅហាត់នៅអាមេរិក៤ឆ្នាំតៀមស៊ីហ្គេម២០២៣
ចន្លោះមិនឃើញ
កីឡាករវាយកូនបាល់កម្ពុជា ទេព ទីម៉ូធី ត្រូវបានសហព័ន្ធវាយកូនបាល់កម្ពុជា បញ្ជូនទៅហ្វឹកហាត់នៅអាមេរិករយៈពេល ៤ ឆ្នាំ ដើម្បីត្រៀមស៊ីហ្គេមឆ្នាំ២០២៣ ដែលកម្ពុជាធ្វើជាម្ចាស់ផ្ទះ។
លោក ជា ពៅ អគ្គលេខាធិការកីឡាវាយកូនបាល់កម្ពុជាបានឲ្យដឹងថា ទេព ទីម៉ូធី បានចេញដំណើរទៅអាមេរិកកាលពីព្រឹកមិញនេះ។ តាមគម្រោងគេត្រូវហ្វឹកហាត់នៅទីនោះរយៈពេល ៤ ឆ្នាំ ប៉ុន្តែគេអាច នឹងត្រឡប់មកកាន់កម្ពុជាវិញ មុនកាលកំណត់ប្រសិនបើកីឡាកររូបនេះអាចឈានដល់កម្រិតខ្ពស់អាចដណ្ដើមមេដាយជូនជាតិក្នុងព្រឹត្តិការណ៍ស៊ីហ្គេមឆ្នាំ២០២៣។
គ្រូបង្វឹកខាងលើបន្ថែមថា ទេព ទីម៉ូធី ជាកីឡាករកម្ពុជាទី២ ដែលសហព័ន្ធបញ្ជូនទៅហ្វឹកហាត់នៅអាមេរិក បន្ទាប់ពី ឈាង វណ្ណាស័ក្ក ដែលបានទៅហ្វឹកហាត់រយៈពេល២ឆ្នាំមកហើយ។
តាមដំណឹងពេលនេះ ឈាង វណ្ណាស័ក្ក កំពុងមានបញ្ហារបួសជង្គង់ ហើយនេះជារឿងគួរឲ្យសោកស្ដាយមួយសម្រាប់កម្ពុជា។ ចំណែក ទីម៉ូធី វិញជាប់ជាកីឡាករវាយកូនបាល់ជម្រើសជាតិកម្ពុជាកាលពីឆ្នាំមុន៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
