ចង់ញុំាបឺហ្គឺ? អត់ពិបាករកទេ ហាតរ៉ក់កាហ្វេល្បីមានបឺហ្គឺឆ្ងាញ់បំផុត ជាប់ចំណាត់ថ្នាក់ពិភពលោក

2019-05-23 05:11:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិសេសចាប់ពីថ្ងៃទី ៦ឧសភា ដល់ ទី ៣០ មិថុនា ២០១៩ Hard Rock Cafe Phnom Penh និង Hard Rock Cafe Angkor បានប្រកាសពីភាពរំជើបរំជួលថ្មីមួយទៀតតាមរយៈមេនុយថ្មីមួយ ក្រោមគោលគំនិត «Global Inspiration» ដែលមានទាំងមុខម្ហូប និងភេសជ្ជៈ គ្រាន់តែឃើញភ្លាម ចង់ភ្លក់សាកភ្លែត។

សម្រាប់មុខម្ហូបថ្មីនេះ គឺសុទ្ធសឹងជាបឺហ្គឺ តែមិនមែនធម្មតាទេ ព្រោះវាជាបឺហ្គឺកំពូលៗ ឈ្នះពានលំដាប់ពិភពលោក ដោយក្រុមការងារ Hard Rock Cafe បានអះអាងថានេះជារូបមន្តថ្មី ដែលច្នៃចេញពីការរួមបញ្ចូលគ្នារវាងរសជាតិសកល (global flavors) និងរសជាតិដើម (traditional burgers) ដ៏ពេញនិយមជាយូរឆ្នាំមកហើយ និងសម្រិតសម្រាំងចេញពីព្រឹត្តិការណ៍ការប្រកួត Hard Rock’s BurgerRocker។

«ឥលូវនេះអតិថិជនយើងអាចទទួលបទពិសោធន៍ថ្មីជាមួយរសជាតិបឺហ្គឺល្បីៗឆ្ងាញ់ៗ ទូទាំងពិភពលោកនៅ Hard Rock Cafe។ មុខម្ហូបបឺហ្គឺថ្មីទាំងនេះ មានលក់ក្នុងរយៈពេលជាង ២ខែប៉ុណ្ណោះ»។ នេះជាការលើកឡើងរបស់ លោក Anibal Fernandez អនុប្រធានក្រុមហ៊ុនប្រតិបត្តិ និងការអភិវឌ្ឍន៍យីហោក្រុមហ៊ុន Hard Rock International។

«ជាប់លេខ១ ជាបឺហ្គឺដែលឆ្ងាញ់បំផុតក្នុងព្រឹត្តិការណ៍ប្រកួត BurgerRocker បឺហ្គឺ The Passion Fruit Bacon Sliders និង Tex-Mex ‘Taco’ ផ្សំឡើងពីការដាក់បញ្ចូលគ្នារវាងរសជាតិជំនាន់ថ្មី និង រសជាតិក្លាសិកជំនាន់មុខដែលអ្នករាល់គ្នាចូលចិត្តតាំងពីសម័យ Hard Rock Cafe ទើបបើកថ្មីៗ ក្នុងឆ្នាំ ១៩៧១ ជាក់ច្បាស់នឹងធ្វើឲ្យគ្រប់គ្នាញុំាហើយរំភើប ឆ្ងាញ់ជក់មាត់មិនខាន»។ លោកបញ្ជាក់បន្ថែម។

អ្វីដែលកាន់តែពិសេសនោះ គឺមុខភេសជ្ជៈ ក្នុងមេនុយ ថ្មី ទាំង ៥មុខនេះក៏កប់ៗណាស់ដែរ ដូចជា Sparkling Blue Hawaiin, Summer Peach Sangria, Pinapple Lemonade, Strawberry Mojito, និង Cookies and Cream Milkshake។

បឺហ្គឺរូបមន្តថ្មីដែលមានផ្ដល់ជូនយ៉ាងពិសេសក្នុងរយៈពេលត្រឹមតែ ១ខែនៅ Hard Rock Cafe នេះ មានដូចជា៖

Passion Fruit Bacon Sliders ៖ នេះគឺជាម្ចាស់ពានក្នុងការប្រកួត Burger Rocker ពី Guanacaste, Costa Rica, Jacob Gonzal4។ ក្នុងបឺហ្គឺនេះ មានបន្ទះសាច់ជ្រូកដែលមានរសជាតិផ្អែមបន្តិច និង Jack គ្រីមឈីស ជាមួយនឹងកងខ្ទឹមបារាំងស្រួយ។
Tex-Mex “Taco” Burger ៖ បឺហ្គឺនេះដណ្ដើមពានបានក្នុងការប្រកួត BurgerRocker នៅ Jesus Lara, Chicago។ វាមានលក្ខណៈពិសេសមួយដែលមានរសជាតិផ្អែមៗ ជាមួយនឹងដំឡូងបារាំងសម្បូរបែប guacamole ឈីស ប៉េងប៉ោះស្រស់ សាឡាត់ក្រឡុក និងសាច់នំប៉័ងទន់ល្មើយ។
All-American Sliders ៖ បឺរហ្គឺរចំនួន ៣ដុំ ដាក់ឈីសអាមេរិក ជាប់ជាមួយកងខ្ទឹមបារាំងបំពងស្រួយ តម្រៀបពីលើគ្នាជាមួយសាច់នំប៉័ងទន់។
Buffalo-Style Sliders ៖បឺហ្គ័រមានរសជាតិហឹរ និងទឹកជ្រលក់រសជាតិ Buffalo ខ្ទឹមបារាំងបំពងស្រួយ ជាមួយជម្រើសនៃឈីសពណ៌ខៀវត្រជាក់ ឬ រោយគ្រីម៕

អត្ថបទ៖ លីដា

ពាក្យទាក់ទង