Jimmy ចេញមុខបង្ហើបគន្លឹះ ទម្រាំនាងរកបានរាង Goal ដូចសព្វថ្ងៃ!

2019-05-29 04:55:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីការិនីរូបស្រស់ និយាយបានច្រើនភាសា ខ្មែរ-ថៃ-អង់គ្លេស កញ្ញា Jimmy គឺជាតារាមួយរូប ដែលពូកែថែរាងរៅ មិនចាញ់តារាម៉ូដែលបរទេសនោះទេ។ ដូច្នេះហើយថ្មីៗនេះ មានអ្នកគាំទ្រជាច្រើនបានដាក់ចម្ងល់ចោទសំណួរគ្នាទៅវិញទៅមក ថាស្រឡូនស្អាតប្លែកនេះ តើពិថីការីនីរូបនេះទៅកែកុនសម្រស់ ប្រើតិចនិកអ្វី?

ចម្ងល់នោះ ត្រូវបានបកស្រាយ តាមវិដេអូមួយដែលពិធីការីនីរូបស្រស់ បានចែករំលែកក្នុងបណ្តាសង្គមរបស់ខ្លួន។ Jimmy ប្រាប់ថា ភាពស្រស់ស្អាត បានមករូបរាងស្លីមស្រឡូននេះរបស់កញ្ញា គឺបានមកពីការចំណាយពេលវេលាដើម្បីធ្វើការហាត់ប្រាណ ជាមួយ អ្នកជំនាញពិតប្រាកដដែលមានបទពិសោធ។ ទម្លាប់ធ្វើជាប្រចាំ និងទៀងទាត់ ទើបអាចបានរូបរាងស្អាតបែបនេះ ដោយនាង មិនបានទៅកែសម្រស់ឯណានោះទេ។

Jimmy មានគន្លឹះសម្រាប់លើកទឹកចិត្តខ្លួនឯងឲ្យហាត់ប្រាណជាប្រចាំ ដោយយោងលើហេតុផល៖ ១-រាងកាយរបស់យើងជារបស់ដែលយើងរស់នៅជាមួយវាតាំងពីក្មេងដល់ចាស់។ ២-អីចឹងហើយយើងត្រូវតែថែរក្សាសុខភាពរាងកាយរបស់យើង។ ៣-នៅក្នុងអ្វីដែលមិនអាចទិញបានគឺសុខភាព និងពេលវេលាមិនបណ្តោយពេលឲ្យធ្លាក់ខ្លួនឈឺធ្ងន់និងសុខភាពទ្រុឌទ្រោមគឺហាត់ប្រាណ។ ជាសារខាងលើរបស់ពិធីការីនីរូបស្រស់បានបញ្ជាក់ក្នុងវិដេអូរបស់នាង។

គួររំលឹកផងដែរថា Jimmy ត្រូវបានគេចាត់ទុកជាពិធីការិនីដែលលេចធ្លោម្នាក់នៅក្នុងទូរទស្សន៍ភីអិន ហើយអ្វីដែលកត់សម្គាល់ ក្រៅពីមានសមត្ថភាពនោះ នាងគឺជាពិធីការិនីដែលមានរូបសម្រស់ស្រស់ស្អាតគួរឱ្យស្រឡាញ់ ជាមួយនឹងរូបរាង Goal របស់នាង។

ល្អទាំងព្រមបែបនេះ ពីមួយថ្ងៃទៅមួយថ្ងៃ Jimmy កាន់តែមានឈ្មោះបោះសំឡេង ដោយនាងក្តោបបានការងារជាច្រើនមិនថាទាំងនៅក្នុងទូរទស្សន៍ និងតាមកម្មវិធីនានា ហើយពេលខ្លះនាងក៏បានលេចមុខនៅក្នុងស្ប៉តពាណិជ្ជកម្ម និង MVជាច្រើនផងដែរ ៕