ក្រសួងការបរទេសកម្ពុជា បង្កើតកម្មវិធីប្រកួតប្រជែងគូរ Logo សម្រាប់កិច្ចប្រជុំកំពូលអាស៊ី-អឺរ៉ុបលើកទី ១៣

2019-07-02 08:46:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រសួងការបរទេស និងកិច្ចសហប្រតិបត្តិការអន្តរជាតិ បានចេញសេចក្ដីជូនដំណឹង ស្ដីពីការចូលរួមប្រកួតប្រជែងនិមិត្តសញ្ញា (Logo) សម្រាប់កិច្ចប្រជុំកំពូលអាស៊ី-អឺរ៉ុបលើកទី ១៣ ឆ្នាំ២០២០ នៅព្រះរាជាណាចក្រកម្ពុជា។

សេចក្ដីជូនដំណឹងចុះថ្ងៃទី ០១ កក្កដា ឆ្នាំ២០១៩ បានឲ្យដឹងថា គណៈកម្មការជាតិរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ នឹងរៀបចំប្រកួតប្រជែងគូរនិមិត្តសញ្ញា (Logo) សម្រាប់កិច្ចប្រជុំកំពូលអាស៊ី-អឺរ៉ុបលើកទី ១៣ ដែលនឹងប្រព្រឹត្តិទៅនៅព្រះរាជាណាចក្រកម្ពុជា ក្នុងឆ្នាំ ២០២០ខាងមុខ។

ការគូរ Logo នេះ ផ្អែកលើឯកសារទស្សនទាននៃកិច្ចប្រជុំកំពូលនេះ ដូចមានគោរពជូនភ្ជាប់។ ជាមួយគ្នានេះដែរ គណៈកម្មការជាតិរៀបចំកិច្ចប្រជុំកំពូលអាស៊ី-អឺរ៉ុបលើកទី១៣ សូមផ្ដល់ជូននូវគំរូ Logo ខ្លះៗនៃកិច្ចប្រជុំកំពូលអាស៊ី-អឺរ៉ុបមុនៗ (ដូចមានជូនភ្ជាប់) សម្រាប់ជាមូលដ្ឋានក្នុងការគូរ។

ជ័យលាភីនឹងទទួលបានថវិកាលើកទឹកចិត្តចំនួន ៤លានរៀល។

បេក្ខជន ដែលចូលរួមប្រកួតប្រជែងត្រូវបញ្ជូន Logo ដោយពន្យល់ពីអត្ថន័យនៃ Logo មកអ៉ីម៉េល--asem.cambodia@gmail.com ចាប់ពីថ្ងៃទី ១៥ ខែកក្កដា ដល់ថ្ងៃទី ៣១ ខែសីហា ឆ្នាំ ២០១៩ ដើម្បីគណៈកម្មការជាតិរៀបចំកិច្ចប្រជុំកំពូលអាស៊ី-អឺរ៉ុប លើកទី១៣ ធ្វើការវាយតម្លៃ៕

សូមអានសេចក្ដីជូនដំណឹងទាំងស្រុង ខាងក្រោមនេះ៖