Sturridge បាត់ឆ្កែសំណព្វចិត្ត ហើយសន្យាឲ្យលោកចោររាប់ម៉ឺនដុល្លារ បើយកឆ្កែមកវិញ
- 2019-07-10 13:40:29
- ចំនួនមតិ 0 | ចំនួនចែករំលែក 0
Sturridge បាត់ឆ្កែសំណព្វចិត្ត ហើយសន្យាឲ្យលោកចោររាប់ម៉ឺនដុល្លារ បើយកឆ្កែមកវិញ
ចន្លោះមិនឃើញ
អតីតខ្សែប្រយុទ្ធក្លឹប Liverpool កីឡាករ Daniel Sturridge បានជួបរឿងអកុសល ដោយត្រូវបានចោរគាស់ផ្ទះ ហើយលួចយកឆ្កែសំណព្វចិត្តរបស់ខ្លួនបាត់។
ក្រោយពីមានហេតុការណ៍នេះ Sturridge បានបង្ហោះវីដេអូក្នុងបណ្ដាញសង្គមរបស់ខ្លួន ដោយបាននិយាយថា ខ្លួននឹងឲ្យអ្វីគ្រប់យ៉ាង ជាថ្នូរនឹងការយកឆ្កែមកវិញ។
ក្នុងវីដេអូនោះ Sturridge បាននិយាយថា៖ " យើងនឹងឲ្យអ្វីគ្រប់យ៉ាង សម្រាប់ឆ្កែមួយនេះ។ នរណាក៏ដោយឲ្យតែយកឆ្កែនេះមកវិញ នឹងទទួលបាន ២ម៉ឺនផោន (២៥,០០០ដុល្លារ), ៣ម៉ឺនផោន (៣៧,៦០០ដុល្លារ) ប៉ុន្មានក៏បាន " ។
យ៉ាងណាមិញ ក្នុងថ្ងៃនេះដែរ អ្នកចម្រៀងរ៉េបម្នាក់នៅទីក្រុង Los Angeles បានអះអាងថា ខ្លួនរកឃើញឆ្កែមួយនេះ ដោយបានបង្ហោះតាមបណ្ដាញ Twitter។ ភ្លាមៗនោះដែរ Sturridge ក៏បានធ្វើការជាមួយអ្នកចម្រៀងនោះ។
បើតាមសារព័ត៌មាន Sky Sports អម្បាញ់មិញនេះ បានរាយការណ៍ថា ប៉ូលិសទីក្រុង Los Angeles បានរកឃើញ និងត្រលប់ឆ្កែឈ្មោះ Lucci ទៅ Sturridge វិញហើយ ព្រមទាំងបើកការស៊ើបអង្កេតស៊ីជម្រៅបន្តទៀតទៅលើករណី គាស់ផ្ទះរបស់ខ្សែប្រយុទ្ធសញ្ជាតិអង់គ្លេសរូបនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
