សិស្សនិទ្ទេសA ទទួលបានព្រះរាជទានប្រាក់កាក់ពីព្រះមហាក្សត្រ

2019-10-07 02:10:14
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្តេច ហ៊ុន សែន បានផ្ដល់នូវព្រះរាជទានរបស់ព្រះមហាក្សត្រនៃព្រះរាជាណាចក្រកម្ពុជាដល់សិស្សនិទ្ទេសAទាំងជាង៤០០នាក់នូវប្រាក់កាក់ដែលមានព្រះឆាយាល័ក្ខណ៍ព្រះមហាក្សត្រ សម្តេចម៉ែ និងព្រះបរមរដ្ឋកោដ្ឋ ដើម្បីទុកជាវត្ថុអនុស្សាវរីយ៍។

(រូបភាព៖ Screenshotពីផេករបស់សម្តេច ហ៊ុន សែន)

ក្នុងពិធីសំណេះសំណាលជាមួយសិស្សនិទ្ទេសA នៅព្រឹកនេះ សម្តេច ហ៊ុន សែន បានថ្លែងថាព្រះករុណា សម្ដេចព្រះបាទបរមនាថ នរោត្តម សីហមុនី និងសម្តេចម៉ែ បានផ្ដាំផ្ញើសួរសុខទុកសិស្សនិទ្ទេសAតាមរយៈសម្តេច ហ៊ុន សែន។ មិនតែប៉ុណ្ណោះ សម្តេច ហ៊ុន សែន ឲ្យដឹងថាព្រះមហាក្សត្រក៏បានសព្វព្រះរាជហរទ័យផ្ដល់នូវប្រាក់កាក់ទាំងពីរទម្រង់ដល់សិស្សនិទ្ទេសទាំង៤៤៣នាក់សម្រាប់ជាវត្ថុអនុស្សាវរីយ៍។

(រូបភាព៖ Screenshotពីផេករបស់សម្តេច ហ៊ុន សែន)

បើតាមសម្តេចហ៊ុន សែន ប្រាក់កាក់នោះមានព្រះឆាតាល័ក្ខណ៍ ព្រះមហាក្សត្រ សម្តេចម៉ែ និងព្រះបរមរដ្ឋកោដ្ឋ មានបញ្ជាក់ពីខូប១៥ឆ្នាំនៃកាឡើងគ្រងរាជសម្បត្តិរបស់ព្រះមហាក្សត្រខ្មែរ ពីឆ្នាំ២០០៤ ដល់២០១៩ ជាដើម។ ចំណែកប្រាក់កាក់ទ្រង់ទីពីរវិញគឺមានរូបព្រះឆាយាល័ក្ខព្រះមហាក្សត្រតែអង្គឯង៕

អត្ថបទ៖ ទូច សុខា