Suzuki ចេញម៉ូតូ Viva 125 ស៊េរី ២០២០ រចនាថ្មីសម្រាប់តែទីផ្សារកម្ពុជា

2019-10-11 11:45:19
ចំនួនមតិ 0 | ចំនួនចែករំលែក 0

ចន្លោះមិនឃើញ

Suzuki បានបញ្ចេញម៉ូតូ Viva 125cc ស៊េរីថ្មីឆ្នាំ ២០២០ ដែលបានរំលេចតែមថ្មីមានពណ៌ប្រភេទថ្មី Mat Gold ដែលមានពណ៌ដូច Nex, Let's, NEX II និង Smash ផងដែរ។

តាមការបញ្ជាក់ពីក្រុមហ៊ុននាំចូលអះអាងថា មានតែលក់នៅទីផ្សារកម្ពុជាប៉ុណ្ណោះ។ Viva ស៊េរីឆ្នាំ ២០២០ នេះបានចេញលក់ជាច្រើនជំនាន់មកហើយ ម៉ាស៊ីន Viva 125 នេះមានកម្លាំង ១២៥ សេសេ។

លក្ខណៈសម្បត្តិនៃម៉ូតូទាំង ២៖

បំពាក់ចង្កៀងមុខធំ និងមានផ្ទៃពណ៌ខៀវចំហៀង
កុងទ័ររចនាថ្មី បង្ហាញទិន្នន័យច្បាស់ល្អ
មានតែមផុស 3D មើលឃើញច្បាស់
ចំណុះធុងសាំងទំហំ ៤.៣ លីត្រ ធំជាងម៉ូតូផ្សេង មានតែ៤ លីត្រប៉ុណ្ណោះ
មានឃ្លុបកែបធំ អាចដាក់សម្ភារៈបានច្រើន
ប្រភេទហ្រ្វាំងបូម អំណោយផលក្នុងការបើកបររដូវភ្លៀង ឡើងភ្នំ បញ្ឃប់ម៉ូតូបានភ្លាមៗ សុវត្តិភាពជាងប្រភេទហ្វ្រាំងស្បែក
បំពាក់ឧបករណ៍រក្សាលំនឹងរបស់ម៉ាស៊ីន មានលំញ័រកម្រិតទាប មានសុវត្ថិភាពពេលបើកបរ
ចង្កៀងក្រោយភ្លឺច្បាស់ អាចឱ្យអ្នករកម៉ូតូពីក្រោយបានយ៉ាងងាយ។

បើតាមក្រុមហ៊ុនផ្លូវការមិនទាន់បានបង្ហើបប្រាប់ពីតម្លៃច្បាស់នេះទេ តែបើតាមតម្លៃពេលចេញលក់ស៊េរីកន្លងមកនៅទីផ្សារខាងក្រៅម៉ូដែល Viva នេះមានតម្លៃខ្ទង់ ១ ៦០០ ដុល្លារ៕

អត្ថបទ៖ ម៉េងងី