Soccer League លើកទី៥ ឆ្នាំ២០១៩ រកឃើញ៤ក្រុមឡើងវគ្គពាក់កណ្ដាលផ្ដាច់ព្រ័ត្រ

2019-12-02 07:05:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតពានរង្វាន់ Soccer League ឆ្នាំ២០១៩ ដែលមាន៧២ ក្រុមចូលរួមឥឡូវនេះបានរកឃើញក្រុមខ្លាំង៤ហើយដើម្បីឡើងទៅប្រកួតវគ្គពាក់កណ្តាលផ្ដាច់ព្រ័ត្រ។

ថ្លែងក្នុងកម្មវិធីសន្និសីទសារព័ត៌មានព្រឹកមិញនេះ លោក ហុក សុចិត្រា ប្រធានគណៈកម្មាធិការបច្ចេកទេសរៀបចំការប្រកួតថា«ឆ្លងកាត់ការប្រកួតរយៈពេលម្ភៃថ្ងៃមកដល់ពេលនេះគឺយើងបានមកដល់វគ្គពាក់កណ្ដាលផ្ដាច់ព្រ័ត្រ ដែលបាន៤ជ្រើសរើសចេញពី៧២ក្រុម។ ការធ្វើកម្មវិធីសន្និសីទសារព័ត៌មាននេះគឺចង់ដឹងពីការត្រៀមលក្ខណៈរបស់ក្រុមនីមួយៗ»។ លោកបន្តទៀតថាចំពោះការរៀបចំក្រុមការងាររបស់លោកបានធ្វើការយ៉ាងច្រើនជាមួយនិងលក្ខណៈរបស់អាជ្ញាកណ្ដាលដោយអញ្ជើញប្រធានអាជ្ញាកណ្ដាលមកពន្យល់ក៏ដូចជាណែនាំច្បាប់ថ្មីរបស់បាល់ទាត់ផងដែរ។

រំលឹកដែរថា ក្រុមទាំង៤នោះមានដូចជា៖ ក្រុមការពារដំណែងជើងឯក សាលាខណ្ឌពោធិ៍សែនជ័យ ប្រកួតជាមួយនឹង អាណាចក្របៃតង អេហ្វស៊ី ចំណែកឯ អាវតា អេហ្វស៊ី នឹងត្រូវប្រកួតជាមួយ សុភីណា អេហ្វស៊ី នៅពហុកីឡដ្ឋានជាតិអូឡាំពិក វេលាម៉ោង៥ល្ងាច ថ្ងៃទី៣ និងទី៤ ខែធ្នូ ឆ្នាំ២០១៩ ដោយមានផ្សាយបន្តផ្ទាល់ពីBTV ផងដែរ។

អត្ថបទ៖ Yorn Sovieth