មានអ្នកចំណាយរាប់ពាន់ចូល Miss Charm តែភាគច្រើនមិនដឹងថា កម្មវិធីនេះប្រកួតពីអ្វីនោះទេ!!!

2020-02-03 08:57:46
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីមួយរយៈមុនគេបានឃើញព័ត៌មានមួយចំនួនចុះផ្សាយពីបេក្ខភាពកម្ពុជាទៅចូលរួមប្រកួត Miss Charm នៅទីក្រុងហូជីមិញ នៅក្នុងដើមខែមីនាខាងមុខនេះ ។ យ៉ាងណាមិញគេគ្រាន់តែបានដឹងថា ការប្រកួតនេះជាការប្រកួតកម្មវិធីសម្រស់ដែលមានតំណាងមកពី 50 ប្រទេសជុំវិញពិភពលោកតែប៉ុណ្ណោះ ។

ជាធម្មតាការប្រកួតនីមួយៗសុទ្ធតែមាន Topic ផ្ដោតសំខាន់ផ្សេងៗគ្នា ដូចជា Miss Universe គឺពិចារណាទៅលើ Beautiful Heart ដែលមានសកម្មភាពជួយសង្គម មានការតាំងចិត្តខ្ពស់ និងផ្សេងទៀត ដែលគណះកម្មការវិនិច្ឆ័យខ្ពស់ជាងរូបរាងខាងក្រៅ។

ថ្ងៃនេះក្រុមការងារយើងបានសាកសួរពី កញ្ញា ប៊ីសុធារី ផ្ទាល់ដែលជាតំណាងកម្ពុជានឹងចូលរួមប្រកួត Miss Charm ក្នុងពេលខាងមុខនេះបានអោយដឹងថា “ Miss Charm ជាកម្មវិធីរៀបចំដោយ Miss Charm organizations រួមជាមួយ elite model organizations ។ហើយការប្រកួត Miss Charm នេះផ្ដោតសំខាន់ទៅលើ រូបរាង ចំណេះដឹងទូទៅ និងលក្ខខណ្ឌផ្សេងទៀត ដែលកម្មវិធីប្រកួតសម្រស់កម្រិតពិភពលោកផ្សេងទៀតតែងយកមកប្រើប្រាស់ ។

ប៉ុន្តែចំណុចពិសេសរបស់ស្នូលកម្មវិធី ដែលនឹងលើកយកមកបង្ហាញនោះគឺ ការចែករំលែកវប្បធម៍ និងប្រវត្តិសាស្ត្ររបស់បេក្ខភាពផ្សេងៗគ្នាមកពីជុំវិញពិភពលោកយកមកផ្សព្វផ្សាយក្នុងកម្មវិធី ដែលកម្មវិធីផ្សេងមិនសូវផ្ដោតសំខាន់” ។ សុធារីបានបញ្ជាក់បន្ថែមទៀតថា “ នេះជាលើកទីមួយដែលកម្មវិធីនេះរៀបចំឡើង ហើយបានជ្រើសរើសយកប្រទេសវៀតណាមយកមករៀបចំ ។

កញ្ញាត្រូវបានអ្នករៀបចំកម្មវិធី អញ្ជើញអោយចូលរួមប្រកួតក្នុងលើកនេះផងដែរ ដោយការមើលឃើញសុធារីមានបទពិសោធន៍ច្រើនកន្លងមកក្នុងវិស័យ BEAUTY PAGEANT ។ យ៉ាងណាក៏ដោយ ប៊ី សុធារី នៅតែបារម្ភខ្លាំងចំពោះការប្រកួតលើកនេះ ព្រោះក្នុងដំណើរឆ្ពោះទៅការប្រកួតអន្តរជាតិនីមួយៗត្រូវការចំណាយខ្ពស់រាប់ពាន់ រាប់ម៉ឺនដុល្លារ ហើយគ្មានក្រុមហ៊ុនណាមកជួយឱបត្ថម្ភនោះទេ គឺ ប៊ី សុធារីត្រូវរ៉ាប់រងដោយខ្លួនឯងទាំងស្រុង៕