មកស្គាល់ម៉ាកឡានថ្មីទើបចូលទីផ្សារ មានឡានប្រណីតតម្លៃចាប់ពីជាង ៣ម៉ឺនដុល្លារ
- 2020-04-08 02:05:20
- ចំនួនមតិ 0 | ចំនួនចែករំលែក 0
មកស្គាល់ម៉ាកឡានថ្មីទើបចូលទីផ្សារ មានឡានប្រណីតតម្លៃចាប់ពីជាង ៣ម៉ឺនដុល្លារ
ចន្លោះមិនឃើញ
ក្រុមហ៊ុនយានយន្ត GAC Group ជាក្រុមហ៊ុនដែលបានបង្កើតឡើងតាំងពីឆ្នាំ ១៩៥៥ មក ដោយមានផ្ដោតជាសំខាន់លើការផលិតរថយន្តប្រើប្រាស់ប្រចាំថ្ងៃ ហើយក្រុមហ៊ុនក៏មានផលិតរថយន្តដឹកអ្នកដំណើរខ្នាតធំ រួមទាំងរថយន្តប្រើប្រាស់ក្នុងវិស័យឧស្សាហកម្មធំៗផងដែរ។
ក្រៅពីផលិតរថយន្តដោយខ្លួនឯងក្រុមហ៊ុន GAC Group ក៏មានផ្គត់ផ្គង់គ្រឿងបន្លាស់រថយន្តសម្រាប់ក្រុមហ៊ុនផលិតរថយន្តធំៗជាច្រើនដោយសារគុណភាពខ្ពស់ដែលអាចជឿទុកចិត្តបាន ក្នុងនោះមានដូចជា Toyota Honda និង Mitsubishi ជាដើម។
គិតមកត្រឹមពេលនេះរថយន្តរបស់ក្រុមហ៊ុន GAC Group បានវាយលុកទីផ្សារប្រទេសជាច្រើនក្នុងនោះមានដូចជារុស្ស៊ី, សហភាពអារ៉ាប់រួម, អារ៉ាប៊ីសាអ៊ូឌីត, នីហ្សេរីយ៉ា, ហ្វីលីពីន, គុយវ៉ែត និងមានផែនការវាយលុកទីផ្សារសហរដ្ឋអាមេរិកជាមួយរថយន្តប្រណីត ទំនើប និងមានគុណភាពរបស់ខ្លួនថែមទៀតផង។
នាពេលនេះរថយន្ត GAC ក៏បានបង្ហាញវត្តមានលើទីផ្សារកម្ពុជាជាផ្លូវការកាលពីថ្មីៗកន្លងទៅនេះ ដែលនាំចូល និងចែកចាយផ្តាច់មុខដោយក្រុមហ៊ុន THH Import Export Co., Ltd សម្រាប់ទីផ្សារកម្ពុជា។ GAC មានរថយន្តច្រើនម៉ូដែលតម្រូវតាមអតិថិជនដូចជា Sedan, Minivan, SUV និងរថយន្ត Hybrid ថែមទៀត។ ប៉ុន្តែដើម្បីជាការវាយលុកទីផ្សារកម្ពុជា ក្រុមហ៊ុនបាននាំយកប្រភេទរថយន្តពេញនិយមចំនួនពីរប្រភេទគឺមានជារថយន្តវ៉ែនប្រណីត និងប្រភេទ SUV ដែលមានខ្នាតធំ និងខ្នាតតូច។
សរុបទៅរថយន្ត GACដែលកំពុងចរាចរណ៍លក់នៅកម្ពុជាមានចំនួនបីម៉ូដែល ក្នុងនោះមានម៉ូដែល GAC GS5 ជារថយន្ត SUV ខ្នាតតូចមានតម្លៃត្រឹម ៣៦ ៩០០ ដុល្លារ។ ទីពីរគឺរថយន្ត GAC GS8 ជាប្រភេទ SUV ខ្នាតធំមានតម្លៃត្រឹម ៥៩ ៥០០ ដុល្លារ និងចុងក្រោយគឺ GAC GN8 ជារថយន្តវ៉ែនប្រណីតមាន ៧ កៅអី តម្លៃ ៦៣ ០០០ ដុល្លារ។
រថយន្ត GN8 មានបំពាក់ម៉ាស៊ីន ២,០ លីត្រ ៤ស៊ីឡាំង អាចផលិតកម្លាំងខ្លាំងបាន ១៩៨ សេះ ដែលភ្ជាប់នឹងប្រអប់លេខស្វ័យប្រវត្តិ ៦ វគ្គ និងប្រព័ន្ធបើកបរវិលកង់ក្រោយ (FWD)។ ចំណែកកម្រិតស៊ីប្រេងគឺ ១០០ គ.ម ស៊ីប្រេងប្រហែល ៨,៩ លីត្រប៉ុណ្ណោះ។
ចំណុចពិសេសៗដែលមានលើ GN8 នេះមានដូចជា មានប្រភេទអំពូល Projector ជាមួយភ្លើង DRL សម្រាប់បំភ្លឺនាពេលថ្ងៃ, ចង្កូតមានភ្លើង, មាន Sensor ថ្លឹងកង់, កាមេរ៉ាអាចមើលជុំវិញ ៣៦០ ដឺក្រេ, អេក្រង់កម្សាន្តទំហំ ១០ អ៊ីញ, មានភ្លើងបំភ្លឺនៅខាងក្នុងតាមទ្វារនិងដំបូងខាងក្នុង, មានដំបូលកញ្ចក់ ២ផ្នែក, កៅអីជួរទីពីរជាប្រភេទកៅអីម៉ាស្សានិងមានខ្យល់ក្ដៅ/ត្រជាក់, មានទ្វារ Auto (ទ្វាចំហៀងនិងខាងក្រោយអាចបញ្ជាបិទ/បើកតាមសោបាន) និងមានប្រព័ន្ធ Sensor ៤គ្រាប់នៅខាងក្រោយ, មានប្រព័ន្ធ TCS រួមទាំងប្រព័ន្ធជំនួយពេលចុះចំណោទ និងប្រព័ន្ធពិសេសៗជាច្រើនទៀត។
ម៉ាស៊ីនរបស់រថយន្ត GS8 គឺមានចំណុះ ២,០ លីត្រ ៤ ស៊ីឡាំង អាចផលិតកម្លាំងបាន ១៩៨ សេះ ប្រើប្រាស់ប្រព័ន្ធបើកបរវិលកង់ទាំងបួន (AWD) និងភ្ជាប់ទៅប្រអប់លេខស្វ័យប្រវត្តិ ៦ វគ្គ។ ម៉ាស៊ីនរបស់រថយន្ត SUV ៧កៅអីនេះ មានកម្រិតសន្សំសំចៃខ្ពស់ដោយ ១០០ គីឡូម៉ែត្រ ស៊ីប្រេងប្រហែល ៦,៨ លីត្រប៉ុណ្ណោះ។
សម្រាប់មុខងារពិសេសៗដែលមានលើ GS8 មានដូចជា សមត្ថភាពបញ្ជាបញ្ឆេះពីចម្ងាយ, អំពូលភ្លើងប្រភេទ Projector និងមានភ្លើង DRL ដំណើរការដោយស្វ័យប្រវត្តិ, ចង្កូតភ្លើង, Sensor ថ្លឹងកង់, កង់ទំហំ ១៩ អ៊ីញ, កាមេរ៉ាមើលជុំវិញ ៣៦០ ដឺក្រេ, Sensor សរុប៨គ្រាប់ (មុខ៤ ក្រោយ៤), អេក្រង់កម្សាន្តទំហំ ១០ អ៊ីញ, ដំបូលកញ្ចក់ដ៏ប្រណីត និងមានទ្វា Auto ផងដែរ។ ចំណែកប្រព័ន្ធជំនួយទំនើបៗមានដូចជាប្រព័ន្ធជំនួយចូលចត, ប្រព័ន្ធប្រាប់ដំណឹងពេលបើកខុសគន្លង, ប្រព័ន្ធព្រមានពីការប៉ះទង្គិចខាងមុខ, ប្រព័ន្ធជាន់ហ្វ្រាំងបន្ទាន់ស្វ័យប្រវត្តិ, ប្រព័ន្ធជំនួសពេលចុះចំណោត, មាន Mode សម្រាប់ជំនួយការបើកបរ និង Mode សម្រាប់បើកផ្លូវពិបាក និងមានប្រព័ន្ធ Auto Start Stop អាចសន្សំសំចៃប្រេងបានយ៉ាងល្អទៀតផង។
ងាកមកមើលរថយន្ត GS5 ដែលជា SUV មាន ៥កៅអីវិញ គឺមានបំពាក់ម៉ាស៊ីនចំណុះ ១,៥ លីត្រ ប្រភេទ Turbo មាន ៤ស៊ីឡាំង អាចបង្កើតកម្លាំងបាន ១៥១ សេះ ភ្ជាប់នឹងប្រអប់លេខស្វ័យប្រវត្តិ ៦ វគ្គ និងប្រព័ន្ធបើកបរវិលកង់មុខ (FWD)។ ម៉ាស៊ីនរថយន្តនេះមានកម្រិតស៊ីប្រេងប្រហែល ៦-៧ លីត្រ សម្រាប់ការបើកបរចម្ងាយ ១០០ គីឡូម៉ែត្រ។
ចំណុចពិសេសៗរបស់ម៉ូដែល GS5 មានដូចជា បញ្ជាបញ្ឆេះពីចម្ងាយ, ប្រើអំពូល Projector ជាមួយអំពូល DRL បំភ្លឺពេលថ្ងៃ, ចង្កូតភ្លើង, Sensor ថ្លឹងកង់, កង់ទំហំ ១៨ អ៊ីញ, កាមេរ៉ាមើលជុំវិញ ៣៦០ដឺក្រេ, មាន Sensor សរុប ៦គ្រាប់ (មុខ២ ក្រោយ៤), អេក្រង់កម្សាន្តទំហំ ១០ អ៊ីញ និងដំបូលកញ្ចក់យ៉ាងទាក់ទាញផងដែរ។ សម្រាប់ប្រព័ន្ធជំនួយដល់ការបើកបររួមមាន Mode សម្រាប់ជំនួយក្នុងការបើកបរ និង Mode សម្រាប់បើកផ្លូវពិបាក, ប្រព័ន្ធជំនួយពេលចូលចត, ប្រព័ន្ធ TCS និងប្រព័ន្ធជំនួយពេលចុះចតជាដើម។
គួរដឹងថាលើរថយន្ត GAC ទាំងបីម៉ូដែលគឺសុទ្ធតែមានបំពាក់នូវ Smart Key ដែលមានសមត្ថភាពអាចដោះសោរថយន្តដោយស្វ័យប្រវត្តិពេលដើរទៅជិត និងចាក់សោរថយន្តពេលម្ចាស់រថយន្តដើរចេញឆ្ងាយពីរថយន្តប្រហែល ១ ទៅ ២ វិនាទី។ លើសពីនេះក៏មាននូវទីតាំងសម្រាប់សាកថ្មទូរសព្ទ ដោយមិនប្រើប្រាស់ខ្សែ (Wireless Charge) ថែមទៀតផង។
សម្រាប់ព័ត៌មានលំអិត អាចទំនាក់ទំនងទៅកាន់លេខទូរសព្ទ៖ 012 666 905 ឬ ឬអញ្ជើញទៅកាន់អាសយដ្ឋាន អគារ #115 មហាវិថីសហព័ន្ធរុស្សី (ផ្លូវ 110) សង្កាត់ទឹកថ្លា ខណ្ឌសែនសុខ រាជធានីភ្នំពេញ៕