Chelsea ចាប់​ផ្ដើម​បើក​ការ​ចរចា​ដើម្បី​ទិញ​យក​ Coutinho ឲ្យ​បាន​

  • 2020-04-24 02:04:57
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Chelsea ត្រូវ​​រាយ​ការណ៍​ថា​ចាប់​ផ្ដើម​ចរចា​ជាមួយ​ Barcelona ហើយ​ជុំវិញ​ការ​ផ្ទេរ​ Philippe Coutinho ​បើ​ទោះ​ជា​សាមី​កីឡាករ​ធ្លាប់​បដិសេធ​លេង​ឲ្យ​ក្លឹប​ផ្សេង​នៅ​ Premier League ក្រៅ​ពី​ Liverpool ក៏​ដោយ។​

Coutinho

ខ្សែ​បម្រើ​ឆ្នើម​ប្រេស៊ីល​ដែល​កំពុង​ជាប់​ខ្ចី​ជើង​ជាមួយ​ Bayern Munich រំពឹង​ថា​នឹង​ចាកចេញ​ពី Barcelona ជា​ផ្លូវការ​នៅ​ចុង​រដូវ​កាល​នេះ។​ Barca បាន​ប្រកាស​ថា​នឹង​ទាមទារ​ថ្លៃ​ត្រឹម​៨០​លាន​ផោន​ប៉ុណ្ណោះ​សម្រាប់​ក្លឹប​ណា​ដែល​ចង់​បាន​ Coutinho ព្រោះ​ពួកគេ​ទិញ​មក​តម្លៃ​ជាង​១០០​លាន​ផោន។​

ទាំង​ Bayern និង​ Liverpool ដែល​ជា​ក្លឹប​ចាស់​សុទ្ធ​តែ​បដិសេធ​យក​ Coutinho ដោយ​សារ​តម្លៃ​ Barca កំណត់​វា​ហាក់​ថ្លៃ​ពេក​សម្រាប់​កីឡាករ​ដែល​មាន​វ័យ​២៨​ឆ្នាំ​ និង​កំពុង​ធ្លាក់​ជើង៕

ប្រភព៖ BBC   ប្រែសម្រួល៖ សៀនហួរ