មកដឹងពីទំហំទឹកប្រាក់ដែល Man Utd ចំណាយលើ Sanchez តាំងពីឆ្នាំ២០១៨

2020-08-06 11:59:33
ចំនួនមតិ 0 | ចំនួនចែករំលែក 0

ចន្លោះមិនឃើញ

Manchester United បាននាំចូលខ្សែស្លាបឈីលី Alexis Sanchez កាលពីខែមករា ឆ្នាំ២០១៨ ជាថ្នូរនឹងការដោះដូរខ្សែបម្រើអាមិននៀ Henikh Mkhitaryan ជាមួយនឹង Arsenal។ កីឡាកររូបនេះត្រូវបានមតិមួយចំនួនរិះគន់ថា ទម្រង់លេងមិនសូវល្អ ហើយទទួលបានប្រាក់ឈ្នួលក្រាស់ក្រែលទៀត។

បើតាមសារព័ត៌មាន The Sun បានឲ្យដឹងថា Sanchez ទទួលបានជាង ៦៦ម៉ឺនដុល្លារក្នុងមួយសប្ដាហ៍កាលពីលេងនៅអង់គ្លេសផ្ទាល់។ កីឡាកររូបនេះលេងនៅបិសាចក្រហមបានរយៈពេល ៧៩សប្ដាហ៍ ដែលសរុបទៅ Man Utd ត្រូវចំណាយ ៥២លានដុល្លារគ្រាន់តែលើប្រាក់ឈ្នួល។ កំឡុងពេលនោះគេរកបានតែ ៣គ្រាប់ប៉ុណ្ណោះនៅ Premier League។

លុះកាលពីរដូវក្ដៅឆ្នាំ២០១៩ Sanchez ផ្លាស់ទៅកាន់ Inter Milan ក្នុងលក្ខខ័ណ្ឌខ្ចីជើង។ ទោះជាខ្លួននៅអ៊ីតាលីមែន តែបិសាចក្រហមវេរលុយពីអង់គ្លេសបើកប្រាក់ខែឲ្យ Sanchez ដោយមួយសប្ដាហ៍ចំនួន ៥២ម៉ឹនដុល្លារ ហើយសរុប ៤៩សប្ដាហ៍ Man Utd អស់ចំនួនជាង ២៥លានដុល្លារ។

Sanchez ក្នុងថ្ងៃនេះដែរបានផ្លាស់ទៅលេងនៅ Inter Milan ជាអចិន្ត្រៃយ៍ហើយ ដោយចុះកុងត្រារយៈពេល ៣ឆ្នាំ៕

ប្រភព៖ The Sun អត្ថបទ៖ សេរី មង្គល