ក្រុម ISI ឈ្នះ មហាហង្ស ៤-២ មែនពិតតែគ្រូមិនសូវពេញចិត្តទម្រង់លេងនេះទេ

2020-09-01 08:55:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ពាក់កណ្ដាលអាជីព ISI DSC លទ្ធផលឈ្នះលើ ក្រុមមហាហង្ស មែនពិតតែគ្រូបង្វឹកមិនសូវពេញចិត្តទម្រង់លេងរបស់កូនក្រុមកាលពីថ្ងៃអាទិត្យ ទី៣០ សីហា ឆ្នាំ ២០២០ នោះទេ។

លោក Botioba John កំពុងមើលកូនក្រុមប្រកួត

លោក Botioba John គ្រូបង្វឹករបស់ក្រុមបាល់ទាត់ ISI DSC បានឲ្យដឹងថា លោកពិតជាគោរព និងសរសើរក្រុមមហាហង្ស គឺជាក្រុមល្អមួយ។ ចំពោះការប៉ះគ្នាជាមួយ មហាហង្ស សប្ដាហ៍ទី១៣នេះគ្រូរបស់ ISI ខាងលើនេះ មិនសូវសប្បាយចិត្ត និងទម្រង់លេងរបស់កូនក្រុមនោះទេ ពោលលោកគិតថានឹងលេងបានល្អជាងនេះ។

កីឡាករ ISI អាវខៀវ

គ្រូបង្វឹកបរទេសខាងលើនេះបន្តប្រាប់ទៀតថា តាមរយៈការប្រកួតកាលពីថ្ងៃអាទិត្យនេះបានធ្វើឲ្យលោកដឹងពីចំណុចខ្វះខាតរបស់កូនបន្ថែមទៀត ហើយនឹងព្យាយាមពង្រឹងក៏ដូចជាកែប្រែអ្វីដែលមិនល្អទាំងនោះឲ្យប្រសើរឡើងវិញ។ បើនិយាយពីយុទ្ធសាស្ត្រវិញគឺលោកបានប្រាប់កូនក្រុមឲ្យលេងការពារបានច្រើន ព្រោះដៃគូជាក្រុមមួយដែលរហ័សរហួន និងសម្រុកខ្លាំង ដូច្នេះហើយត្រូវទប់ហើយវ៉ៃបកវិញ។

លទ្ធផលការប្រកួូួត

រំលឹកដែរថា ក្រុមបាល់ទាត់ ISI DSC បានយកឈ្នះលើក្រុមបាល់ទាត់ មហាហង្ស ៤-២ កាលពីថ្ងៃអាទិត្យ ទី៣០ សីហា ឆ្នាំ ២០២០ នាការប្រកួតសប្ដាហ៍ទី១៣ នៃពានរង្វាន់ KW Cambodian League។ ក្រុម ISI DSC ឈរនៅចំណាត់ថ្នាក់លេខ២ មាន៣៦ពិន្ទុ និងកំពុងប្រដេញក្រុមលេខ១ TN Kandal ដែលមាន ៣៦ពិន្ទុដូចគ្នា៕

អត្ថបទ៖ នួន ស៊ីណា