មកដឹងមនុស្សពិសេសម្នាក់ បង្រៀនស្មាត់ វិចិត្រ ឱ្យចេះលេងបាល់ទះ

2020-09-21 03:52:19
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮឈ្មោះ នួន វិចិត្រ ហៅស្មាត់ចិត្រ មិនថាអ្នកភ្នំពេញឬតាមខេត្តឡើយ ពោលអ្នកណាក៏ស្គាល់ ដ្បិតបច្ចុប្បន្នគេកំពុងឡើងកូដខ្លាំងក្នុងវិស័យបាល់ទះ។ តើស្មាត់មានដើមកំណើត មកពីខេត្តស្វាយរៀង ចេះលេងបាល់ដោយសារអ្នកណា?

បើផ្អែកតាមសម្ដីកីឡាករមកពីកងអន្តរាគមន៍ទី៣ ការពារ ៣១១តាំងពីចុងឆ្នាំ២០១៧ គឺគេចេះលេងតាមរយៈលោកឪពុករបស់គេផ្ទាល់ ព្រោះឪពុកជាអ្នកលេងបាល់ទះយជម្រើសខេត្តមួយរូបដែរ។

ស្មាត់វ័យ២២ឆ្នាំ នួន វិចិត្រ បានបញ្ជាក់ថា ៖«ដើមទងដំបូងឡើយ ដោយសារឪពុកខ្ញុំជាអ្នកលេងបាល់...គាត់ឧស្សាហ៍នាំខ្ញុំទៅកន្លែងគាត់លេងបាល់...គាត់ឱ្យខ្ញុំទៅអង្គុយមើលគាត់លេង សឹងរាល់ថ្ងៃ ទៅមើលគាត់លេង ហើយក៏គាត់បង្រៀនខ្ញុំលេង...យូរៗក៏ជាប់ (ចេះលេង) អ៊ីចឹងទៅបង»។

បច្ចុប្បន្ន វិចិត្រ ជាកីឡាករបាល់ទះមួយរូប ក្នុងកងអន្តរាគមន៍ទី៣ ការពារ ៣១១ ដែលជាផ្នែកមួយនៃក្លឹបបញ្ជាការដ្ឋានអង្គរក្ស មានតួនាទីជាប៉ះសេ។ យ៉ាងណាបើលេងក្នុងប្រកួតក្រៅផ្លូវការវិញ វិចិត្រ ជាស្មាត់ធំមិនមែនជាអ្នកប៉ះសេឡើយ៕