មុនបានផ្លែផ្កាងារជាជំទាវ ស៊ន សៀវម៉ី ឈ្នះមេដាយអ្វីខ្លះ?

2021-02-03 07:28:26
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមព្រះរាជក្រឹត្យចេញកាលពីថ្ងៃទី២ ខែកុម្ភៈ ឆ្នាំ២០២១នេះ ព្រះមហាក្សត្រក្នុងការប្រកាសតែងតាំងកីឡាការិនី ស៊ន សៀវម៉ី ជាជំនួយការសម្ដេចវិបុលសេនាភក្ដី សាយ ឈុំ ប្រធានព្រឹទ្ធសភា មានឋានៈស្មើ អគ្គនាយក ឬ ជំទាវ បន្ថែមលើមុខងារបច្ចុប្បន្ន ដោយពុំទទួលប្រាក់បំណាច់មុខងារ។ តើវិរៈការិនីរូបនេះធ្លាប់ឈ្នះមេដាយប៉ុន្មានគ្រឿងជូនជាតិ?

ស៊ន សៀវម៉ី ជាកីឡាការិនីតេក្វាន់ដូជម្រើសជាតិកម្ពុជា ដែលមានកម្ពស់ ១,៨៣ ម៉ែត្រ កើតថ្ងៃទី១៤ ខែកញ្ញា ឆ្នាំ១៩៩៥។ ជាកូនអ្នកខេត្តកណ្ដាល។ បើគិតតាំងពីចាប់ចូលប្រលូកក្នុងវិស័យកីឡាតេក្វាន់ដូក្នុងការប្រកួតផ្លូវការកីឡាការិនីរូបធ្លាប់ឈ្នះមេដាយដូចខាងក្រោម៖

ឆ្នាំ២០១១ នៅប្រទេសឥណ្ឌូណេស៊ី ឈ្នះមេដាយសំរឹទ្ធក្នុងព្រឹត្តិការណ៍កីឡាស៊ីហ្គេម ក្នុងប្រភេទទម្ងន់ចន្លោះ ៥៧-៦២ គីឡូក្រាម ។
ឆ្នាំ២០១៣ ពោលគឺ២ឆ្នាំក្រោយ ឈ្នះមេដាយមាសនៅស៊ីហ្គេម ដែលធ្វើឡើងនៅប្រទេសមីយ៉ាន់ម៉ា ក្នុងប្រភេទទម្ងន់ចន្លោះ ៦៧-៧៣ គីឡូក្រាម។
ឆ្នាំ ២០១៤ ឈ្នះមេដាយមាស Asian Games នៅអ៊ីនឈ័នប្រទេសកូរ៉េខាងត្បូង ក្នុងប្រភេទទម្ងន់ ៧៣-៨៧ គីឡូក្រាម។
ឆ្នាំ២០១៧ ឈ្នះមេដាយមាស ស៊ីហ្គេម នៅប្រទេស ម៉ាឡេស៊ី ទីក្រុងកូឡាឡាំពួរ ក្នុងប្រភេទទម្ងន់ចន្លោះ ៦៧-៧៣ គីឡូក្រាម។
ឆ្នាំ២០១៩ ឈ្នះមេដាយមាស ស៊ីហ្គេម នៅប្រទេសនៅប្រទេស ហ្វីលីពីន ក្នុងប្រភេទទម្រន់លើស ៧៣ គីឡូក្រាម ៕