ស៊ូ យ៉ាទី ទម្លាយចំណុចខ្លាំងពីររបស់ Angkor Tiger មុនប៉ះគ្នាស្អែក

2021-07-19 08:00:19
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាំទីរបស់ណាហ្គាវើលដ៍ ស៊ូ យ៉ាទី ទម្លាយចំណុចខ្លាំងពីររបស់ Angkor Tiger មុនប៉ះគ្នាស្អែកនៅទឹកដីសៀមរាបវេលាម៉ោង៣:៣០នាទីក្នុងជំនួបសប្ដាហ៏ទី៩នៃលីគកំពូលកម្ពុជា។

ទាក់ទងការប្រកួតខាងលើអ្នកចាំទីបទពិសោធក្រាស់ក្រែលរូបនេះបាននិយាយថា Tiger ជាក្រុមខ្លាំងដែលបច្ចុប្បន្នកំពុងស្ថិតនៅកំពូលតារាង ហើយមានសមត្ថភាពលេងបានល្អ។ ចំណុចខ្លាំងរបស់ក្លឹបនេះដែលគេមើលឃើញគឺតំបន់កណ្ដាល និងប្រយុទ្ធ។ សម្រាប់ Tiger ជាក្រុមមានវិន័យល្អណាស់ ដូច្នេះពិតជាពិបាកក្នុងការកំណត់ថាក្រុមណានឹងឈ្នះការប្រកួត។ ប៉ុន្តែគេជឿថា ក្រុមរបស់គេនឹងអាចយកបានលទ្ធផលល្អ ហើយក្រុមរបស់គេក៏នឹងលេងដោយការគោរពទៅកាន់ Tiger ផងដែរ។

រំលឹកថា Tiger លេង៨ប្រកួតចាញ់តែមួយប្រកួតប៉ុណ្ណោះកំពុងស្ថិតនៅកំពូលតារាង ដោយមាន១៩ពិន្ទុពោលឈ្នះ៦ស្មើ និងចាញ់១។ ចំណែកណាហ្គាវិញពួកគេឈ្នះ៤ក្នុងចំណោម៧លើកព្រមទាំងស្មើ២និងចាញ់១ប្រកូតផងដែរ៕

អត្ថបទ៖ ស្រី សុវណ្ណដារ៉ា