កញ្ញា អេឡា ដ៏ស្រស់ស្អាត ទឹកមុខស្រទន់ ប៉ះឈុតបឺតមាត់ជាមួយតួប្រុស២នាក់

2021-08-12 08:39:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងថ្មី កញ្ញា អេឡា ដែលមានទម្រង់មុខស្អាត ស្រទន់ គួរឲ្យស្រឡាញ់ បានប្រទះឈុតបឺតមាត់ជាមួយតួប្រុសដល់ទៅ ២នាក់ក្នុងភាពយន្តតែមួយរឿង។

ភាពយន្តនេះ មានចំណងជើងថា "ស្នាមញញឹមចុងក្រោយ" ជាខ្សែភាពយន្តមនោសញ្ចេតនាស្នេហាយុវវ័យដ៏គួរឲ្យចាប់អារម្មណ៍របស់ផលិតកម្ម អិលឌី ត្រៀមដាក់បញ្ចាំងនៅក្នុងថ្ងៃទី ១២ សីហានេះតែម្ដងនៅលើ Mobile App របស់ផលិតកម្ម។

រឿងនេះ អេឡា សម្ដែងជាតួឯកស្រីមានឈ្មើថា សូណាត្រា ចាប់ដៃគូជាមួយលោក ឡឹម ជាឡាយ លោក សេន ភារុន និងលោក មឿន ឯកសុធារិទ្ធ។ក្នុងរឿង អេឡា ត្រូវបានលោក លឹម ជាឡាយ និងលោក សេន ភារុន ថើបមាត់២ឈុតក្នុងរឿងតែម្ដង។ នេះជាឈុតថើមមាត់យ៉ាងស្និទ្ធលើកដំបូងរបស់យុវតី ចាប់តាំងពីនាងលេចមុខក្នុងសិល្បៈសម្ដែងប្រមាណជាង ១ឆ្នាំមក។

ជាមួយគ្នា ក៏ជាលើកដំបូងដែរ ដែលនាងបានចាប់ដៃថត ជាមួយលោក លឹម ជាឡាយ និងតារាប្រុសសង្ហាប៉ុន្មានរូបទៀត។ ដូច្នេះហើយ តាមសាមីខ្លួនខាងស្រី នាងបានប្រាប់សារព័ត៌មានថា នាងជួបការលំបាកជាច្រើន ពិសេសគឺឈុតថើមមាត់យ៉ាងសិ្នទ្ធស្នាលនោះ។ យ៉ាងណា នាងនៅតែខំសម្របខ្លួន និងឆ្លងកាត់រឿងទាំងឡាយ បានជាចំណងដៃមួយសម្រាប់ទស្សនិកជន។

តាមសាច់រឿងខាងលើ សូណាត្រា គឺជានិស្សិតស្រីម្នាក់ដែលពូកែរ ឆ្លាត និងស្អាត នាងចូលចិត្តតន្រ្តី ហើយទទួលពានរង្វាន់លែងព្យាណូបានល្អបំផុតប្រចាំឆ្នាំព្រោះនាងមាន យុទ្ធ ដែលជាសង្សាររបស់គេតែងតែបង្រៀននាង អ្នកទាំងពីបានរួមគ្នានិពន្ធបទចំរៀងមួយបទដែលនិយាយពី ការស្រឡាញ់ សម្រាប់មនុស្សគ្រប់គ្នា ហើយក៏សង្ឃឹមថាថ្ងៃណាមួយគេហ្នឹងបានច្រៀងចំរៀងមួយបទនេះអោយមនុស្សគ្រប់គ្នាបានស្តាប់ ប៉ុន្តែអ្វីៗត្រូវបានបញ្ចប់នៅពេលដែលគេទាំងពីនាក់ជួបគ្រោះថ្នាក់ចរាចរណ៍៕

អត្ថបទ៖ ទារិកា