ហាងកាហ្វេរ៉ូបូតតូក្យូ ផ្តល់ជូនឱកាសការងារដល់ជនពិការដែលពិបាកចេញក្រៅផ្ទះធ្វើការ

2021-08-23 05:50:36
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅហាងកាហ្វេតូក្យូមួយ លោកមីឈីអូ អ៊ីម៉ៃបានស្វាគមន៍អតិថិជនម្នាក់ ប៉ុន្តែមិនមែនស្វាគមន៍ដោយផ្ទាល់ទេ។ លោកស្ថិតនៅចម្ងាយរាប់រយគីឡូម៉ែត្រ ដោយអង្គុយបញ្ជាអ្នកបម្រើរ៉ូបូតមួយគ្រឿង ដែលជាផ្នែកមួយនៃការពិសោធន៍ក្នុងការងារដែលរួមបញ្ចូលមនុស្សគ្រប់ប្រភេទ។ រ៉ូបូតរបស់ហាងកាហ្វេ Dawn មានគោលបំណងលើសពីការទាក់ទាញចំណាប់អារម្មណ៍អតិថិជនទៅទៀត ដោយផ្តល់ឱកាសការងារដល់មនុស្សដែលពិបាកធ្វើការនៅក្រៅផ្ទះ។

ចុច Subscribe ឆានែល Telegram របស់ Sabay ដើម្បីទទួលបានព័ត៌មានថ្មីៗទាន់ចិត្ត

“សួស្តី តើអ្នកសុខសប្បាយទេ?” រ៉ូបូតពណ៌សរលោងរាងដូចកូនសត្វផេនឃ្វីនកំពុងហៅពីបញ្ជរក្បែរច្រកចូល ដោយងាកមុខមករកអតិថិជនហើយគ្រវីដៃរបស់វា។

លោកអ៊ីម៉ៃគឺស្ថិតនៅពីក្រោយការបញ្ជារ៉ូបូតពីផ្ទះរបស់គាត់នៅទីក្រុងហ៊ីរ៉ូស៊ីម៉ា ចម្ងាយ ៨០០ គីឡូម៉ែត្រពីក្រុងតូក្យូ ហើយគាត់ជាបុគ្គលិកម្នាក់ក្នុងចំណោមបុគ្គលិក ៥០ នាក់ដែលមានពិការភាពផ្លូវកាយនិងផ្លូវចិត្ត ដែលធ្វើការជា “អ្នកបញ្ជា” បុគ្គលិករ៉ូបូតរបស់ហាង Dawn។ ហាងកាហ្វេនេះបានបើកដំណើរការនៅសង្កាត់នីហុនបាស៊ី ស្ថិតនៅភាគកណ្តាលទីក្រុងតូក្យូកាលពីខែមិថុនា ហើយជួលបុគ្គលិកនៅទូទាំងប្រទេសជប៉ុននិងនៅក្រៅប្រទេសព្រមទាំងបុគ្គលិកមួយចំនួនដែលធ្វើការនៅនឹងកន្លែងផងដែរ។

ដើមឡើយហាងនេះគ្រោងនឹងបើកកាលពីឆ្នាំមុនដើម្បីស្របពេលជាមួយនឹងកីឡាប៉ារ៉ាឡាំពិកប៉ុន្តែការបើកត្រូវបានពន្យារពេលដោយសារជំងឺរាតត្បាតដូចព្រឹត្តិការណ៍ប៉ារ៉ាឡាំពិកផងដែរ ដែលនឹងចាប់ផ្តើមនៅថ្ងៃអង្គារទី២៤សីហា។ រ៉ូបូតខ្នាតល្អិតប្រហែល ២០ គ្រឿងដែលមានភ្នែករាងដូចគ្រាប់អាល់ម៉ុនអង្គុយនៅលើតុនិងផ្នែកផ្សេងទៀតនៃហាងកាហ្វេ ដែលគ្មានជណ្តើរនិងកម្រាលឈើរលោងធំល្មមសម្រាប់រទេះរុញ។

រ៉ូបូត ដែលមានឈ្មោះថា OriHime មានបំពាក់កាមេរ៉ា ម៉ៃក្រូហ្វូន និងឧបករណ៍បំពងសំឡេងដើម្បីអនុញ្ញាតឱ្យប្រតិបត្តិករធ្វើទំនាក់ទំនងជាមួយអតិថិជនពីចម្ងាយ។ រ៉ូបូតនៅក្បែរតុមួយបានសួរថា “តើអ្នកត្រូវការកុម្ម៉ង់អាហារអ្វីដែរ?” ដោយបង្ហាញបញ្ជីរាយមុខម្ហូបដូចជាបឺហ្គ័រ ការី និងសាឡាត់ (មុខម្ហូបធ្វើពីបន្លែសុទ្ធ)។ នៅពេលអតិថិជនកំពុងជជែកគ្នាជាមួយអ្នកបញ្ជាដែលកំពុងធ្វើប្រតិបត្តិការរ៉ូបូតខ្នាតតូចពីចម្ងាយ រ៉ូបូតធំៗចំនួនបីគ្រឿងបានធ្វើបំលាស់ទីជុំវិញហាងដើម្បីលើកភេសជ្ជៈឬស្វាគមន៍អតិថិជននៅច្រកចូល។ ហើយថែមទាំងមានរ៉ូបូតឆុងកាហ្វេស្លៀកពាក់ឈុតពណ៌ត្នោតនៅបារទៀតផង ដែលអាចឆុងកាហ្វេដូចមនុស្សមែនទែនយ៉ាងអ៊ីចឹង៕

ប្រភព៖ rasmeinews.com