ស្មាតហ្វូនបត់អេក្រង់ដំបូងបង្អស់របស់ OPPO ស្ថិតក្នុងត្រកូល Find និងបំពាក់សេនស័រកាមេរ៉ា Sony
- 2021-11-29 06:44:30
- ចំនួនមតិ 0 | ចំនួនចែករំលែក 0
ស្មាតហ្វូនបត់អេក្រង់ដំបូងបង្អស់របស់ OPPO ស្ថិតក្នុងត្រកូល Find និងបំពាក់សេនស័រកាមេរ៉ា Sony
ចន្លោះមិនឃើញ
កន្លងមកគេបានឭពាក្យចចាមអារ៉ាមជាច្រើនថា OPPO នឹងបញ្ចេញស្មាតហ្វូនបត់អេក្រង់របស់ខ្លួនជាលើកដំបូង ហើយមកដល់ពេលនេះ ក៏មិនទាន់ដំណឹងជាផ្លូវការអំពីស្មាតហ្វូននេះដែរ។
យ៉ាងណាមិញ បើតាមគណនី Weibo ដ៏ល្បីល្បាញឈ្មោះ Digital Chat Station ថ្មីៗនេះ បានអះអាងថា ស្មាតហ្វូនបត់អេក្រង់ទីមួយរបស់ OPPO អាចនឹងត្រូវដាក់ឈ្មោះថា Find N 5G។
ប្រភពនេះ អះអាងថា OPPO Find N 5G នឹងបំពាក់សេនស័រកាមេរ៉ា Sony IMX766។ បើតាមរបាយការណ៍លេចធ្លាយកន្លងមកបង្ហាញថា កាមេរ៉ាខាងមុខរបស់ស្មាតហ្វូនបត់នេះ គឺមានទំហំ 32MP និងកាមេរ៉ាក្រោយ ទំហំ 50MP។
ចំពោះ Spec របស់ស្មាតហ្វូននេះ ប៉ាន់ស្មានថា វានឹងអាចមានអេក្រង់ ៨អ៉ីញ កញ្ចក់ប្រភេទ LTPO OLED ដែលមានល្បឿនអេក្រង់ 120 Hz កម្រិតបង្ហាញរូបភាព 2k និងដំណើរការដោយប្រព័ន្ធប្រតិបត្តិការ Android 12។ ថ្មរបស់វាអាចនឹងមានទំហំ 4500mAh ប៉ុន្តែមិនច្បាស់ថាវានឹងភ្ជាប់មកជាមួយនឹងឆ្នាំងសាកលឿន 120W ឬអត់៕