កម្ពុជា ផ្ដល់ជំនួយ ១៣លានដុល្លារ និងវ៉ាក់សាំងស៊ីណូវ៉ាក់ ៥០ម៉ឺនដូស ទៅកាន់ប្រទេសឡាវ

2021-11-29 12:48:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រទេសកម្ពុជា បានផ្ដល់ជំនួយជាទឹកប្រាក់ ១៣លានដុល្លារ និងវ៉ាក់សាំងបង្ការជំងឺកូវីដ-១៩ ស៊ីណូវ៉ាក់ចំនួន ៥០ម៉ឺនដូស ដើម្បីប្រយុទ្ធប្រឆាំងនឹងជំងឺកូវីដ-១៩ ទៅកាន់ប្រទេសឡាវនៅក្នុងជំនួបពិភាក្សាការងារទ្វេភាគីរវាងសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងឯកឧត្តម ផាន់ខាំ វីផាវ៉ាន់ នាយករដ្ឋមន្ត្រីឡាវនៅវិមានសន្តិភាព នាល្ងាចថ្ងៃទី២៩ ខែវិច្ឆិកា ឆ្នាំ២០២១នេះ ។ នេះបើយោងតាមការចុះផ្សាយរបស់សារព័ត៌មាន Fresh News អម្បាញ់មិញនេះ។

បើតាមសារព័ត៌មានខាងលើ ថវិកាសរុប ១៣លានដុល្លារជួយទៅកាន់មិត្តឡាវនេះ នៅក្នុងនោះ ៣លានដុល្លារគឺជាថវិការបស់រាជរដ្ឋាភិបាលកម្ពុជា និង១០លានដុល្លារទៀតជាថវិការបស់សប្បុរសជនកម្ពុជា។

សូមរំលឹកផងដែរថា កាលពីឆ្នាំ២០២០ រាជរដ្ឋាភិបាលកម្ពុជា បានផ្តល់ជំនួយមនុស្សធម៌ជាម៉ាស់ ២លានម៉ាស់ និងបរិក្ខារវេជ្ជសាស្ត្រចំនួន ១១មុខផ្សេងទៀត ជូនរដ្ឋាភិបាលឡាវ។ កាពីថ្ងៃទី២៩ ខែកញ្ញា ឆ្នាំ២០២១ កម្ពុជា បានផ្តល់ជំនួយជាវ៉ាក់សាំងប្រភេទស៊ីណូវ៉ាក់ ចំនួន២០ម៉ឺនដូសដល់ឡាវផងដែរ៕

អត្ថបទ៖ ហ៊ីម រស្មី