Toyota ប្រើបច្ចេកវិទ្យាអាគុយ Hybrid ជំនាន់៩០ លើឡាន Hybrid ឆ្នាំ២០២២
- 2021-11-30 02:41:21
- ចំនួនមតិ 0 | ចំនួនចែករំលែក 0
Toyota ប្រើបច្ចេកវិទ្យាអាគុយ Hybrid ជំនាន់៩០ លើឡាន Hybrid ឆ្នាំ២០២២
ចន្លោះមិនឃើញ
ក្រុមហ៊ុន Toyota នៅតែបន្តប្រើប្រាស់អាគុយតាំងពីស៊េរីជាង ២០ឆ្នាំមុនលើរថយន្ត Hybrid ថ្មីរបស់ខ្លួន ដោយគ្រាន់តែធ្វើទំនើបកម្ម ពោលគឺមិនប្តូរប្រើប្រភេទអាគុយថ្មីឡើយ។
អាគុយ Hybrid នេះ ត្រូវបានបំពាក់នៅលើ Toyota Prius ដែលបញ្ចេញនៅចុងទសវត្សរ៍ឆ្នាំ១៩៩០។ វាគឺជាប្រភេទ nickel-metal hydride បន្ទាប់មក វាត្រូវបានធ្វើទំនើបកម្មទៅជាប្រភេទ bipolar nickel-metal hydride បំពាក់នៅលើ Toyota Prius C (ឬហៅថា Aqua នៅជប៉ុន)។
អាគុយ bipolar បានបញ្ជូនថាមពលច្រើនជាងអាគុយចាស់ ១,៥ដង ហើយដាក់សន្លឹកអាគុយបានច្រើនជាង ១,៥ដង ក្នុងទំហំដូចគ្នា។
លោក Motoyoshi Okumura អ្នកគ្រប់គ្រងផ្នែកអភិវឌ្ឍអាគុយឈានមុខរបស់ Toyota បានប្រាប់ Auto News ថា Toyota បានចាប់ផ្តើមធ្វើការលើស្ថាបត្យកម្មអាគុយថ្មីនេះ ក្នុងឆ្នាំ២០១៦។ «ប្រសិនបើយើងប្រើទំហំដដែល យើងអាចដាក់អាគុយដែលបញ្ជូនថាមពលកើនឡើង២ដង»។
លោកលើកឡើងថា ជាទូទៅគេមើលឃើញការប្រើអាគុយ nickel-metal hydride ជាអាគុយស៊េរីចាស់ ប៉ុន្តែមិនអ៊ីចឹងទេ។ «យើងចាប់ផ្តើមអភិវឌ្ឍអាគុយ nickel-metal hydride ប្រភេទថ្មីនេះ (bipolar) បន្ទាប់ពីប្រើប្រាស់វា ២០ឆ្នាំមក ដោយមានកំណត់ត្រាជោគជ័យ។ ប៉ុន្តែការឌីហ្សាញដើមដំបូងរបស់វា គឺមិនផ្លាស់ប្តូរឡើយ។ ដូច្នេះយើងសម្រេចចិត្តយកការធ្វើទំនើបកម្មថ្មី ដោយបង្កើនថាមពល»។
ក្រុមហ៊ុន Toyota នឹងប្រើប្រាស់អាគុយ bipolar តែមួយសម្រាប់ដាក់នៅលើរថយន្ត Hybrid របស់ខ្លួន ដែលត្រូវការបញ្ឆេះថាមពលឱ្យបានលឿន។ ចំណែកការប្រើអាគុយ lithium-ion មានការពេញនិយមខ្លាំងក្នុងការដាក់លើរថយន្តអគ្គិសនី ប៉ុន្តែវាក៏ត្រូវការកន្លែងផ្ទុកថាមពលធំជាងផងដែរ។ ចំពោះរថយន្ត bZ4X ដែលជារថយន្តអគ្គិសនីទីមួយរបស់ Toyota ស៊េរីឆ្នាំ២០២៣ គឺត្រូវបានបំពាក់អាគុយ lithium-ion ដែលពេលសាកភ្លើងពេញម្តង អាចធ្វើដំណើរបានដល់ចម្ងាយ ៤០០គីឡូម៉ែត្រ៕