ក្រោយចាញ់វៀតណាម៤-០ គ្រូកម្ពុជាថា កីឡាករបាត់បង់ចង្វាក់ និងលេងមិននឹងនរ

2021-12-20 02:28:58
ចំនួនមតិ 0 | ចំនួនចែករំលែក 0

ចន្លោះមិនឃើញ

Ruy Hirose គ្រូបង្វឹកក្រុមជម្រើសជាតិកម្ពុជាបាននិយាយថា ក្រុមរបស់ខ្លួនបាត់បង់ចង្វាក់លេង និងមិនហ្នឹងន ដែលការលើកឡើងនេះក្រោយពេលកម្ពុជាចាញ់ក្រុមជម្រើសជាតិវៀតណាម ៤-០ កាលពីយប់មិញក្នុងពានរង្វាន់ AFF Suzuki Cup 2020 នៅប្រទេសសិង្ហបុរី។

រូបថត៖ FFC

គ្រូបង្វឹកសញ្ជាតិជប៉ុនខាងលើបានលើកឡើងថា «យើងចង់បង្ហាញឲ្យគ្រប់គ្នាបានឃើញថា យើងអាចធ្វើបានក្នុងពានរង្វាន់នេះ។ ប៉ុន្តែមានចំណុចជាច្រើនដែលកីឡាករយើងធ្វើមិនបានល្អ។ យើងបាត់បង់ចង្វាក់លេង ដែលវាធ្វើឲ្យប៉ះពាល់ដល់លទ្ធផលនៃការបរាជ័យនេះផងដែរ»។

គ្រូបង្វឹកដដែលបន្ថែមថា ក្នុងកម្មវិធីខាងលើកម្ពុជាចាញ់៣ប្រកួតមែន ហើយកីឡាករវ័យក្មេងទទួលបានបទពិសោធន៍យ៉ាងច្រើន នេះក៏ជាតម្លៃមួយដែរ។ ក្រោយពេលចប់កម្មវិធីនេះលោកឃើញថា កីឡាកររបស់ខ្លួនពេលខ្លះលេងល្អ ពេលខ្លះលេងមិនល្អ និយាយរួមគឺលេងមិនហ្នឹងនឡើយ។ ប៉ុន្តែលោកជឿជាក់ថា នឹងអាចស្វែងរកចំណុចកែប្រែទាំងនោះឲ្យមកជាប្រសើរទាំងអស់សម្រាប់នាពេលអនាគត។

រំលឹកថា កម្មវិធីនេះកម្ពុជាឈ្នះមួយប្រកួតគឺឈ្នះ ឡាវ ៣-០ ចាញ់ ឥណ្ឌូណេស៊ី ៤-២ ចាញ់ ម៉ាឡេស៊ី ៣-១ និងចាញ់ វៀតណាម ៤-០ ៕