ក្រោយចាប់ដៃគូជាមួយក្លឹបកំពូលជប៉ុន បឹងកេត អាចបោះជំរុំហ្វឹកហាត់នៅទីនោះថែមទាំង...

2022-01-13 07:59:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់បឹងកេតអង្គរបានបង្ហាញពីការចាប់ដៃគូជាមួយក្លឹបក្នុងលីគកំពូលប្រទេសជប៉ុន Shonan Bellmare ចំនួន២ឆ្នាំ ដែលការចាប់ដៃគូជាសម្ព័ន្ធភាពនេះចាប់ពីថ្ងៃទី១ ខែ មករា ឆ្នាំ ២០២២នេះរហូតដល់ថ្ងៃទី ៣១ខែ មករា ឆ្នាំ ២០២៤។

កិច្ចសហការនេះផ្អែកលើចំណុចរួមដូចខាងក្រោម៖

១. ការផ្លាស់ប្ដូរដ៏មានតម្លៃនៃក្រុមឈុតធំ ដែលផ្តោតសំខាន់លើ ការផ្ទេរកីឡាករ, ការបញ្ជូនបុគ្គលិក និងការគាំទ្រដល់ការបោះជំរុំហ្វឹកហាត់ជាដើម។

២. ការផ្លាស់ប្ដូរគ្នានូវថ្នាលបណ្តុះបណ្តាលយុវជន ដែលផ្តោតសំខាន់លើ ការចូលរួមក្នុងការបណ្តុះបណ្តាលរបស់កីឡាករ បុគ្គលិកនៃក្រុមគ្រូបង្គោល និងការចូលរួមក្នុងការប្រកួតនៃក្រុមទាំងពីរ។

៣. ការចែករំលែកព័ត៌មាន ដែលផ្តោតសំខាន់ជុំវិញព័ត៌មាននៃកីឡាកររបស់ក្រុមទាំងពីរ ក្រុមការងារគ្រូបង្គោល ព័ត៌មាននៃការប្រកួតនានា និង វិធីសាស្រ្តបណ្តុះបណ្តាលជាដើម ។

៤. កិច្ចសហប្រតិបត្តិការអាជីវកម្ម ដែលផ្តោតសំខាន់ជុំវិញ ការលក់លើកញ្ចប់ឧបត្ថម្ភ ការលក់សំបុត្រ ការលក់សម្ភារៈអនុស្សាវរីយ៍ ការរៀបចំការកំសាន្ត និងការផ្សារភ្ជាប់ជាមួយអ្នកគាំទ្រ៕

អត្ថបទ៖ ស្រី សុវណ្ណដារ៉ា