Marcelo ចង់ចូលនិវត្តន៍ពីកីឡាករបាល់ទាត់នៅ Real Madrid
- 2022-03-02 12:44:41
- ចំនួនមតិ 0 | ចំនួនចែករំលែក 0
Marcelo ចង់ចូលនិវត្តន៍ពីកីឡាករបាល់ទាត់នៅ Real Madrid
ចន្លោះមិនឃើញ
ខ្សែការពារ Marcelo បាននិយាយនៅក្នុងកម្មវិធីជជែកកម្សាន្តមួយរបស់អេស្ប៉ាញនៅក្នុងថ្ងៃនេះថា គេចង់ចូលនិវត្តន៍ពីកីឡាករបាល់ទាត់នៅក្លឹប Real Madrid នេះតែម្ដង។
Marcelo បាននិយាយថា៖" ខ្ញុំចង់នៅក្លឹប Real ដដែលនេះ។ នេះជាក្លឹបខ្ញុំ។ ខ្ញុំមានគំនិតថាចង់លេងនៅនេះរហូតដល់កូនខ្ញុំធំឡើង ហើយខ្ញុំនៅបន្តលេងជាមួយគេដែរ។ ខ្ញុំនៅតែចង់លេងបន្តក្នុងកម្រិតមួយខ្ពស់ដូចរាល់ថ្ងៃនេះអញ្ចឹង។ ឥឡូវនេះយើងកំពុងមានប្រកួតសំខាន់ៗជាច្រើន។ ខ្ញុំជាប្រធានក្រុមរបស់ក្លឹបដែលល្អជាងគេលើលោក អញ្ចឹងខ្ញុំចង់តែនៅនេះដដែល ហើយខ្ញុំក៏ត្រូវបានគេគាំទ្រផងដែរ "។
កីឡាករនេះបន្តថា៖" ខ្ញុំមិនគិតនៅថ្ងៃអនាគតច្រើនពេកនោះទេ។ អ្វីៗត្រូវតែមានទីបញ្ចប់។ និយាយទៅខ្ញុំចង់ចូលនិវត្តន៍នៅ Real នេះតែម្ដង ប៉ុន្តែការសម្រេចបែបនេះគឺមិនមែនលើតែខ្ញុំនោះទេ "។
នៅក្នុងឆ្នាំនេះ Marcelo មានអាយុ ៣៣ឆ្នាំហើយ ដោយមកជាខ្សែការពាររបស់ក្លឹប Real Madrid តាំងពីឆ្នាំ២០០៧ ដោយនឹងបញ្ចប់កុងត្រានៅថ្ងៃទី៣០ ខែមិថុនា ឆ្នាំ២០២២ខាងមុខ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
