U23 ជម្រើសជាតិ នឹងមានមុខនៅ Asian Games  នៅចិនដើម្បីសម្រួចទិសដៅស៊ីហ្គេម២០២៣

2022-04-05 02:53:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជ្រើសជាតិកម្ពុជា នឹងចូលរួមការប្រកួតការប្រកួតព្រឹត្តិការណ៍ 19th Asian Games Hangzhou 2022 នៅប្រទេសចិនខែកញ្ញា ឆ្នាំ២០២២ ដើម្បីសម្រួចនៅកម្ពុជាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ នេះបើតាមការចុះផ្សាយរបស់ CAMSOC ។

ក្រុមយុវជនកម្ពុជា កាលប្រកួតកន្លងមក

លោក កែវ សារ៉េត អគ្គលេខាធិការសហព័ន្ធកីឡាកម្ពុជាបាននិយាយប្រាប់ប្រភពខាងលើថា ««ជាការពិត ខាងគ្រប់គ្រងក្រុមជម្រើសជាតិរបស់សហព័ន្ធយើង គាត់ធ្វើការដោយផ្ទាល់ជាមួយគណៈកម្មាធិការជាតិអូឡាំពិកកម្ពុជា គឺបានចុះឈ្មោះនៅ NOCC ដោយមានបាល់ទាត់ U23 ចូលរួមលេងផងដែរ»។

លោក កែវ សារ៉េត បន្ថែមថា នេះជាការចូលរួមលើកដំបូង ក្រោយការខកខានអស់រយៈពេល២៤ឆ្នាំ។ ជាមួយគ្នានោះ លោក ឈូក ពិសិដ្ឋ អ្នកចាត់ការក្រុមជម្រើសជាតិកម្ពុជាបានបង្ហើបឲ្យដឹងយ៉ាងដូច្នេះថា៖ «ការប្រកួត Asian Games គឺជាការប្រកួតមួយដែលយេីងរំពឹងទុកថា យេីងនឹងត្រូវប៉ះក្រុមខ្លាំងៗប្រចាំទ្វីបអាស៊ី។ វាជាការប្រកួតដែលមានកម្រិតខ្ពស់ជាងការប្រកួត SEA Games ដែលយេីងសង្ឃឹមថា នឹងទទួលបានបទពិសោធន៍ និងគុណផលថ្មី សម្រាប់ការត្រៀមការប្រកួត SEA Games 2023»។

លោកបន្ថែមថា ការចូលរួមព្រឹត្តិការណ៍នេះគឺដើម្បីសម្រួចទិសដៅស៊ីហ្គេមនាឆ្នាំ២០២៣។ សម្រាប់ការប្រកួតបាល់ទាត់ក្នុងព្រឹត្តិការណ៍ដ៏ធំនេះត្រូវបានគេរំពឹងថា នឹងអាចមានរហូត៣០ប្រទេសចូលរួមប្រកួតប្រជែង ដែលសុទ្ធសឹងតែជាប្រទេសខ្លាំងៗក្នុងតំបន់អាស៊ី៕

អត្ថបទ៖ ស្រី សុវណ្ណដារ៉ា