យ៉េន ឌីណា អាចបានក្របខ័ណ្ឌមន្ត្រីរាជការដែរទេបន្ទាប់ពីឈ្នះមេដាយមាសស៊ីហ្គេម...

2022-05-31 07:14:37
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ កីឡាការិនីច្រើនរូបត្រូវបានលើកទឹកចិត្តឲ្យក្លាយជាមន្ត្រីរាជការពិសេសនៅក្រសួងការពារជាតិក៏ដូចជាមន្ត្រីនគរបាលនាពេលកន្លងមកបន្ទាប់ពីពួកគេបានឈ្នះមេដាយសំខាន់កម្រិតអន្តរជាតិជូនកម្ពុជា។ ចុះកីឡាករ យ៉េន ឌីណា ដែលទើបឈ្នះមេដាយមាសស៊ីហ្គេម លើកទី៣១ ឯវៀតណាមនេះវិញ?

កីឡាករ យ៉េន ឌីណា

គេមើលឃើញហើយថាកីឡាករគុនខ្មែរមួយចំនួនគឺបានក្លាយជាកងកម្លាំងក្រសួងការពារជាតិ (ទាហាន) ក្រសួងមហាផ្ទៃ (នគរបាល) ជាពិសេសក្លឹបប្រដាល់ចំណុះមជ្ឈមណ្ឌលកីឡាកងយោធពលខេមរភូមិន្ទ ឬ សមាគមកីឡាក្រសួងមហាផ្ទៃ។ ដោយឡែកលោក អេ ភូថង ជាគ្រូរបស់ យ៉េន ឌីណា ក៏ជាទាហានផងដែរ។

ឯកឧត្ដម ហេង សុឃន អគ្គលេខាធិការសហព័ន្ធប្រដាល់គុនខ្មែរបានឲ្យដឹងពាក់ព័ន្ធរឿងនេះថា គោលការណ៍របស់រាជរដ្ឋាភិបាលគឺមានរួចហើយ ចំពោះអ្នកមានស្នាដៃជូនជាតិនាពេលកន្លងមកដូចជាថវិកាលើកទឹក និងការផ្ដល់ក្របខ័ណ្ឌ។ ដូច្នេះចំពោះអ្នកដែលខំប្រឹងនឹងទទួលបានដូចនូវអ្វីដែលបានលើកឡើងទាំងនេះ។

កីឡាករ យ៉េន ឌីណា

រំលឹកដែរថា កីឡាករ យ៉េន ឌីណា បានប្រកួតឈ្នះមេដាយមាស១គ្រឿងលើប្រភេទកីឡាប្រដាល់គុនខ្មែរនៅព្រឹត្តិការណ៍ស៊ីហ្គេម លើកទី៣១ ឯប្រទេសវៀតណាមដែលទើបបញ្ចប់កាលពីថ្ងៃទី២៣ ខែមិថុនា ឆ្នាំ២០២២៕

អត្ថបទ៖ នួន ស៊ីណា