Real គ្រោងធ្វើពិធីលាសម្រាប់ Marcelo ប៉ុន្តែមិនមានឡើយចំពោះ Bale

2022-06-08 04:34:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹប Real Madrid មានគម្រោងធ្វើកម្មវិធីលាជាពិសេសមួយសម្រាប់ការចាកចេញរបស់វីរបុរសក្លឹប Marcelo ប៉ុន្តែមិនមានការរៀបចំអ្វីឡើយចំពោះ Gareth Bale។

Marcelo និង Bale នឹងចាកចេញពីកីឡដ្ឋាន Bernabeu នៅរដូវក្ដៅនេះដូចគ្នា បន្ទាប់ពីឈ្នះពានជាច្រើនជាមួយក្លឹបយក្សក្នុងប្រទេសអេស្ប៉ាញ។ Madrid បានចេញសេចក្ដីថ្លែងការណ៍ប្រកាសពីការចាកចេញរបស់ Bale កាលពីខែមុន និងហៅគេជា វីរបុរសរបស់ក្លឹប។

Marcelo នឹងទទួលបានការរៀបចំកម្មវិធីលាពិសេសមួយដែលគ្រោងធ្វើនៅកីឡដ្ឋាន Estadio Santiago Bernabeu ដូចដែលក្លឹបធ្លាប់ធ្វើឲ្យ Sergio Ramos និង Iker Casillas។ ក្នុងពិធី កីឡាករសញ្ជាតិប្រេស៊ីលនឹងឈរអបដោយពានទាំង២៥ដែលគេឈ្នះជាមួយ Madrid ថែមទាំងមានការចូលរួមពីក្រុមគ្រួសារនិងអតីតមិត្តរួមក្រុមផងដែរ។

Marcelo បានប្រកាសបន្ទាប់វគ្គផ្ដាច់ព្រ័ត្រ Champions League ថា គេនឹងចាកចេញពី Madrid បន្ទាប់ពីចំណាយពេលអស់១៥ឆ្នាំកន្លះ។ ផ្ទុយពី Marcelo ខ្សែបម្រើប្រយុទ្ធសញ្ជាតិវែល Bale មិនត្រូវបានក្លឹបរៀបចំកម្មវិធីអ្វីឲ្យឡើយ ត្បិតពួកគេជួយក្លឹបឈ្នះពាន UCL ៥ដងដូចគ្នា។

ទំនាក់ទំនងរវាង Bale និង Madrid នៅប៉ុន្មានឆ្នាំចុងក្រោយមិនសូវល្អនោះទេ។ ក្លឹបបានត្រឹមតែចេញសេចក្ដីថ្លែងការណ៍ពីការចាកចេញរបស់គេប៉ុណ្ណោះ ទោះបី Bale បានចំណាយពេលជិត១០រដូវកាលរួមរស់ជាមួយនឹងឈ្នះពានចំនួន១៦គ្រឿង៕

ប្រភព៖ The Sun ប្រែសម្រួល៖ ហេង សុធារិទ្ធិ