សម្ដេចហ៊ុន សែន៖ បាល់ទាត់អាស៊ីខ្សោយជាងទ្វីបដទៃ

2022-10-05 11:09:35
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្ដេចតេជោនាយករដ្ឋមន្ត្រី ហ៊ុន សែន បានលើកឡើងកាលពីថ្ងៃអង្គារថា បាល់ទាត់ទ្វីបអាស៊ីមានសភាពខ្សោយជាងទ្វីបដទៃទៀតដូចជា ទ្វីបអឺរ៉ុប និងទ្វីបអាមេរិកឡាទីន។ នេះបើតាមការលើកឡើងរបស់លោក នៅក្នុងថ្លែងក្នុងពិធីបើកមហាសន្និបាតក្រុមប្រឹក្សាអូឡាំពិកអាស៊ីលើកទី៤១។

រូបថត៖ ទំព័រហ្វេសប៊ុកសម្ដេច ហ៊ុន សែន

សម្ដេចបានបន្ថែមថា៖ «ប្រទេសប្រជាជនច្រើនមិនប្រាកដថា មានវិស័យកីឡាខ្លាំងនោះទេ»។

ជាមួយគ្នានេះដែរ សម្ដេចក៏បានជំរុញឱ្យមានការសិក្សាពិនិត្យអំពីមូលហេតុនៅពីក្រោយភាពទន់ខ្សោយនេះ។

«ឆ្នាំនេះយើងពិតជាមានមោទនភាពដោយសារតំបន់របស់យើង ត្រូវមានព្រឹត្តិការណ៍ World Cup យើងទទួលបានផ្លែផ្កាពី ការប្រកួតនៅទីនោះ ប៉ុន្តែអ្វីដែលយើងគួរសិក្សា តើមានមូលហេតុអ្វីខ្លះ ដែលប្រជាជនចំនួនដ៏ច្រើន យើងបែរជាកីឡាទន់ខ្សោយជាទ្វីបដទៃ បើប្រៀបធៀបនឹងអឺរ៉ុប ទ្វីបហ្រ្វិក និងអាមេរិកឡាទីន»។ នេះបើតាមការលើកឡើងរបស់សម្ដេច។

គួរបញ្ជាក់ផងដែរថា នៅឆ្នាំ២០២២នេះ ប្រទេសកាតារបានធ្វើជាម្ចាស់ផ្ទះនៃព្រឹត្តិការណ៍បាល់ទាត់ពិភពលោក។ កន្លងមកមានតែជប៉ុន និងកូរ៉េខាងត្បូងនៅឆ្នាំ២០០២ប៉ុណ្ណោះ ដែលធ្លាប់ធ្វើជាម្ចាស់ផ្ទះនៃព្រឹត្តិការណ៍បាល់ទាត់នេះ៕

អត្ថបទ៖ សេរី មង្គល