នៅថ្ងៃទី ២២ ខែវិច្ឆិកា ម្សិលមិញនេះ យោងតាមសារព័ត៌មានកូរ៉េបានចេញផ្សាយឱ្យដឹងថា សន្និសីទសារព័ត៌មានមួយត្រូវបានធ្វើឡើងជាមួយក្រុមគ្រួសារជនរងគ្រោះ នៃសោកនាដកម្ម Itaewon នៅឯបន្ទប់សន្និសីទនៃកិច្ចប្រជុំមេធាវីសម្រាប់សង្គមប្រជាធិបតេយ្យ នៅទីក្រុង Seocho-do ទីក្រុង Seocho-gu និងទីក្រុងសេអ៊ូល។

នៅថ្ងៃសន្និសីទសារព័ត៌មាន ក្រុមគ្រួសារបានចូលរួមសន្និសីទកាសែតជាមួយនឹងរូបថតជនរងគ្រោះទាំងស្រក់ទឹកភ្នែក។ ក្រុមគ្រួសារ ទាំងនោះបានពន្យល់ថា "វាជាកំហុសរបស់រដ្ឋាភិបាល និងមនុស្ស ពេញវ័យដែលគ្មានសមត្ថភាព" ដោយអំពាវនាវឱ្យមានការសុំទោសជាផ្លូវការពីប្រធានាធិបតី កូរ៉េខាងត្បូង Yoon Seok Yeol និងស្វែងរកការពិតដើម្បីដាក់ទណ្ឌកម្មអ្នកដែលទទួលខុសត្រូវចំពោះ សោកនាដកម្មនេះ។

មេធាវីដើម្បីសង្គមប្រជាធិបតេយ្យបានជួបជាមួយក្រុមគ្រួសារជនរងគ្រោះ និងរៀបចំសន្និសីទសារព័ត៌មាននេះ ដើម្បីបង្ហាញជាផ្លូវការនូវអារម្មណ៍ និងការទាមទាររបស់គ្រួសារជនរងគ្រោះ។

ឪពុកម្តាយក្មេងរងគ្រោះបានចែករំលែកជំហរទាំងទឹកភ្នែក។ ស្ត្រីជាម្តាយម្នាក់បានស្រែកថា "កូនប្រុស របស់ខ្ញុំ ដែលជាកូនកតញ្ញូ គេលែងនៅជាមួយខ្ញុំហើយ សូមដាក់ទោសអ្នកដែលមាន ទំនួលខុសត្រូវ ប៉ុន្តែកំពុងប្រគល់ការទទួលខុសត្រូវទៅឱ្យអ្នកដ៏ទៃ" ហើយបានទាមទារឱ្យប្រធាន Yoon ស្វែងរកអ្នកដែលទទួលខុសត្រូវ និងមិនអាចដើម្បីបញ្ឈប់សោកនាដកម្មនេះ។

ឪពុកម្តាយម្នាក់ទៀតបានចែករំលែកការខកចិត្តរបស់ពួកគេដោយនិយាយថា "កូនប្រុសរបស់ខ្ញុំមករៀន ពីមរតកកូរ៉េរបស់គាត់ ហើយមកសិក្សានៅវិទ្យាស្ថានភាសាកូរ៉េនៃសាកលវិទ្យាល័យ Yonsei ។ វាជាការខកចិត្តដែលអ្នកដែលដឹកនាំប្រទេសមិនទទួលស្គាល់កំហុសរបស់ពួកគេ ហើយមិនទទួល ខុសត្រូវ"៕

ប្រភព៖ Allkpop   ប្រែសម្រួល៖ Kesor