Haaland នឹងធ្វើអ្វីគ្រប់យ៉ាង ដើម្បីជួយ Man City ឈ្នះ Treble
- 2023-06-02 12:03:44
- ចំនួនមតិ 0 | ចំនួនចែករំលែក 0
Haaland នឹងធ្វើអ្វីគ្រប់យ៉ាង ដើម្បីជួយ Man City ឈ្នះ Treble
ចន្លោះមិនឃើញ
ខ្សែប្រយុទ្ធន័រវែសកីឡាករ Erling Haaland ប្ដេជ្ញាចិត្តថាខ្លួននឹងធ្វើអ្វីគ្រប់យ៉ាង ដើម្បីជួយឱ្យ Manchester City ឈ្នះពាន Treble ឬ ពានធំៗ ៣ ក្នុងមួយរដូវកាល ដោយក្នុងនោះមានពានលីគកំពូល ពាន FA និងពានក្របខ័ណ្ឌអឺរ៉ុប UEFA Champions League។ នេះបើតាមការចុះផ្សាយរបស់សារព័ត៌មាន BBC។
ក្លឹប Manchester City នៅពេលនេះដែរបានឈ្នះពាន Premier League រួចរាល់ហើយ ដោយក្លឹបនេះត្រៀមប៉ះអ្នកជិតខាង Manchester United នៅថ្ងៃសៅរ៍សប្ដាហ៍នេះក្នុងពាន FA Cup ហើយត្រៀមប៉ះ Inter Milan នៅសប្ដាហ៍ក្រោយសម្រាប់ពាន Champions League។
«នេះ [ពាន Treble] នឹងមានន័យគ្រប់យ៉ាងសម្រាប់ខ្ញុំ។ ខ្ញុំនឹងព្យាយាមធ្វើអ្វីគ្រប់យ៉ាង ដើម្បីសម្រេចនូវក្ដីសុបិននេះ»។ នេះបើតាមការលើកឡើងរបស់ Haaland។
កន្លងមក Man City មិនដែលបានពាន Treble នោះទេ។ នៅអង់គ្លេស មានតែ Manchester United ទេ ដែលធ្លាប់បាន Treble។ បិសាចក្រហមធ្លាប់ឈ្នះបែបនេះកាលពីឆ្នាំ១៩៩៩៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
