ឈ្មោះបង្កងដូចគ្នាមែន តែបង្កងពីរនេះមានចំណុចខុសគ្នាច្រើន

2023-06-21 02:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បង្កងនាគ និងបង្កងទឹកប្រៃជាពពួកសត្វដែលរស់នៅក្នុងទឹក ហើយជាទូទៅត្រូវបានគេបែងចែកជា២គឺ ពពួករស់នៅក្នុងទឹកប្រៃនិងទឹកសាប។ អ្វីដែលដូចគ្នា គឺវាចាត់ចូលជាប្រភេទ Decapoda ដែលមានជើង៥គូ និងជើងសម្រាប់ជួយឲ្យហែលទឹក៥គូ។

មិនតែប៉ុណ្ណោះ ជើងរបស់ពួកវាមានក្រញ៉ាំធំ២ដែលជាអាវុធការពារពីសត្វផ្សេងៗ រួមទាំងងាយស្រួលក្នុងការចាប់ចំណី។ ក្រៅពីនេះ ពួកវាក៏ចូលចិត្តរស់នៅក្នុងបាតទឹក លាក់ខ្លួននៅក្រោមថ្ម ឬកន្លុកកន្លៀតថ្មជាដើម។ យ៉ាងណាក្តី វាក៏មានចំណុចខុសគ្នាខ្លះដែរ ដូចជា៖

ការរស់នៅ

បង្កងនាគ រស់នៅក្នុងបឹង អូរ និងស្រះ ចំណែកបង្កងទឹកប្រៃរសនៅក្នុងសមុទ្រ និងមហាសមុទ្រ។

ពពួកគ្រួសារ

បង្កងនាគ ត្រូវបានគេចាត់ទុកជាពពួកគ្រួសារ Cambaridae, Astacidae, និង Parastacidae ហើយពពួកបង្កងទឹកប្រៃវិញ គឺពពួកគ្រួសារ Palinuridae។

ទំហំ

ជាទូទៅ បង្កងនាគ គឺមានទំហំតូចជាងបង្កងទឹកប្រៃ។

ការស៊ីចំណី

បង្កងនាគ តែងស៊ីពពួកសត្វល្អិត រុក្ខជាតិតូចៗ រួមទាំងដង្កូវផងដែរ ចំណែកឯបង្កងទឹកប្រៃវិញតែងស៊ីពពួកត្រីតូចៗ បង្គា ខ្យង ឬគ្រំជាដើម។

សរុបជារួមមក ពពួកបង្កងនាគមានក្រញ៉ាំមុខតូច ចំណែកបង្កងទឹកប្រៃគឺមានក្រញ៉ាំមុខធំ ហើយបង្កងនាគក៏មិនសូវមានពណ៍ច្រើនលើដងខ្លួនដែរ ខណៈដែលបង្កងទឹកប្រៃគឺមានពណ៍ច្រើនចម្រុះ។ ភាពខុសគ្នាខ្លាំងរវាងបង្កងទាំងពីរ គឺទំហំរួមទាំងរបៀបរស់នៅរបស់ពួកវា៕

ប្រភព៖ PEDIAA ប្រែសម្រួល៖ លឹម សុនា